Aurland kommune

Aurland kommune har om lag 250 tilsette fordelt på vel 190 årsverk. Kommunen er organisert etter ein tonivåmodell og tenesteleiarane ved driftseiningane har stor grad av delegert mynde både i høve til økonomi, personal og generelt utviklingsarbeid. Kommunen har ei toppleiargruppe med rådmann og assisterande rådmann. I rådmannen sin stab er det rådgjevarar med kompetanse på næringsutvikling, kultur, IKT, økonomi, personalarbeid, planarbeid, offentlege innkjøp, skuleutvikling og prosjektarbeid.

Aurland kommune har etablert interkommunalt samarbeid med nabokommunen Lærdal innanfor skatt, rekneskap, økonomi, lønn, barnevern og legevakt.

Vi er ein organisasjon med mange fagmiljø, og som rekrutterer medarbeidarar som vil vere med å vidareutvikle tenestetilbodet og lokalsamfunnet i Aurland.