Aurland Skofabrikk AS

Aurland Skofabrikk AS produserer og sel den tradisjonsrike Aurlandskoen. Den har vore produsert sidan 1934. Dagens produsjon er bygd på tradisjon og opphavleg design, men Aurland Skofabrikk jobbar kontinuerleg med å utvikle produktet, både kvalitets og designmessig. I dag kan du få Aurlandskoen i mange ulike fargar.

Aurland Skofabrikk har også etablert sitt eige visningsenter. Dette ligg i same bygget som skofabrikken, sentralt plassert på Aurlandsvangen i Aurland. I visningssenteret kan du lære meir om historia til den tradisjonsrike skoen, samstundes som du kan oppleve produksjonen på nært hald, ved eit besøk i produksjonslokala. I visningssenteret ligg også fabrikkutsalet vårt, der du kan handle produkta våre til fabrikkpris.