Eid kommune

Eid kommune har gode offentleg tilbod. Vi har ein desentralisert skulestruktur med barneskular både i Kjølsdalen, på Stårheim, på Haugen, på Hjelle og på Nordfjordeid. Barnehagetilbodet er godt, og hausten 2011 opnar ein ny barnehage med 8 avdelingar sentralt på Nordfjordeid. Kommunen har som mål å ha byggeklare bustadtomter i alle deler av kommunen, og nyleg er det regulert eit nytt stort bustadfelt sentralt på Nordfjordeid.

Kommunen har markert seg sterkt dei seinare åra som kulturkommune der både opera og rock har fått store oppslutning.  I 2010 vart kommunen kåra som årets kulturkommune i Sogn og Fjordane.  Eit blomstrande musikkliv for alle kategoriar musikk må seiast ha blitt eit varemerke.  Her finn du det einaste operahuset utanom Oslo.  Samlokalisert med Eid vidaregåande skule gjer det dette til ein flott læringsarena for unge nordfjordingar.

Sjå òg: