Fjaler Næringsutvikling

Fjaler Næringsutvikling er ei uavhengig foreining som i utgangspunktet ikkje skal ha inntekter på eigen produksjon. Våre eigarar er næringsdrivande i Fjaler, Sparebanken Sogn og Fjordane og Fjaler kommune. Vi har ca 120 medlemmer hovudsakleg frå næringslivet, men også nokre privatpersonar og organisasjonar. FNU er etablert i trua på at eigarskap og engasjement frå næringslivet vil gje ei betre næringsutvikling enn eit reint kommunalt engasjement. Vi meinar at eit velfungerande næringsliv er basis for all berekraftig utvikling. Vår hovudoppgåve er å hjelpe nyetablerarar og eksisterande verksemder med tiltak som bidreg til ei positiv utvikling for Fjalersamfunnet. I tillegg har vi også ansvar for å samarbeide med kommunal administrasjon for å ivareta kommunale næringssaker.