Njøs næringsutvikling

Njøs næringsutvikling skal vera fylket sin viktigaste reiskap for nyskaping i frukt og bær og andre prioriterte landbruksprodukt. Det er ei prosjektbasert verksemd som arbeider i nært samarbeid med landbruksbaserte bedrifter, næringsmiddelindustri og det offentlege. Me har aktivitet knytta til prosjektleiing og utprøving av nye frukt- og bærsortar i felt på Njøs, og treng engasjerte medarbeidarar som kan stå på for utvikling av eksisterande og nye produksjonar.

Me har også oppdrag for nasjonale aktørar som t.d. Norsk genressurssenter, og har internasjonale prosjekt m.a. retta mot Island, Færøyane og Grønland.

Njøs næringsutvikling er lokalisert på Njøs frukt- og bærsenter, ei næringsklyngje som p.t. tel 6 bedrifter.

Informasjon om nytt frå dei fleste prosjekta våre blir lagt ut på www.rup.no