Septik24 AS

Septik24-gruppa omfattar fleire partnerselskap som leverar tenestar knytta til slamtøming, mobil avvatning, transport/logistikk, kompostering og komplett administrasjon av slamtøming for kommunar og interkommunale selskap. Selskapet er leiande i Noreg innanfor sitt hovudforretningsområde.

Selskapa i Septik24-gruppa omset for omlag NOK 200 mill i 2010 og har kontraktar i omlag 140 kommunar i Sør-Noreg. Alle selskapa i Septik24-gruppa har i tillegg til Septik24 as lokale eigarar med lokalt engasjement og grunder-fokus.

Septik 24 as har kontor i Stryn, og er samlokalisert med Miljøservice as og Nomek as. Til saman har selskapa som er lokalisert i Stryn om lag 80 tilsette og omset for over NOK 100 mill.  Septik 24 as og Miljøservice as har to tilsette som tidlegare har vore gjennom traineprogrammet i Sogn og Fjordane. Sjå www.septik24.no for utfyllande informasjon om Septik 24 as og partnerbedrifter. Sjå www.nomek.as for utfyllande informasjon.

Septik24 as har i 2010 etablert eit nytt partnereigd selskap, Vakumkjempen as. Dette selskapet bygger eit partnernettverk i Sør-Noreg som skal levere kommunaltekniske tenester, samt spesialtenester knytta til industri, entrepenørar oa.

Septik 24 as som er ein paraply- og stabsorganisasjon for partnerselskapa har hovudfokus på følgande områder:

-Forretningsutvikling med fokus på forretningsmodellar, strategi og anbodsrelaterte tenester. Herunder styrefunksjonar i partnerbedriftene. Auka fokus på marknadsanalyser og marknadsbearbeiding.

-Utvikling og drifting av bransjerelaterte IT-system for logistikkplanlegging, datafangst, navigasjon , økonomi, ISO-kvalitetssikringssystem mv.

-Leveranse av økonomitenester, rapportering og tilknytta konsulenttenester.