Vågsøy kommune

Vågsøy kommune ligg i ytre Nordfjord og har vel 6000  innbyggarar.  Måløy som har bystatus har ca. 3000 innbyggarar.  Vågsøy kommune omfattar Vågsøya og deler av Fastlandet til og med Bryggja.  Måløybrua som vart opna i 1974 bind Vågsøya saman med fastlandet. Øyane Husevågøy, Silda, Gangsøy og Risøy høyrer også med til kommunen.

Kommunen har eit godt utbygd barnehage- og skuletilbod.  Her er gode tilhøve for friluftsliv.  Vågsøy har eit aktivt kulturliv.  Her er ny fleirbrukshall med tilbod om varierte idrettsaktivitetar.  Ved fleirbrukshallen ligg Måløy vidaregåande skule som har mange ulike lineval.

Måløy har gode båtforbindelsar til og frå Bergen med hurtigbåt to ganger dagleg kvar veg.  Hurtigruta har fast anløp i Måløy både nordover og sørover.  Det er ca. ein times køyring til flyplass og det går hurtigbåt til/frå Florø som korresponderer med fly. Det går dagleg tre ekspressruter med buss til/frå Oslo.

Meir opplysningar om kommunen finn du på Vågsøy kommune si heimeside www.vagsoy.kommune.no