Bli traineebedrift
Sogn og Fjordane har eit rikt og mangfaldig næringsliv. Kvart år, gjennom våre karrieremesser og traineeprogrammet, opplever vi at mange blir positivt overraska over alle de spennande arbeidsplassane som finst i fylket vårt. Vi har så mykje - men for få veit om det! Vi er overtydde om at mykje handlar om synleggjering. Og det er nettopp dette som er Framtidsfylket si hovudoppgåve: Vi må vise kva fylket vårt har å by på.
Gjer bedrifta di synleg
Å vere traineebedrift gjer bedrifta til ein ettertrakta arbeidsgjevar blant nyutdanna jobbsøkjarar. Gjennom traineeordninga får bedrifter høve til å tilby unge arbeidstakarar ei "krydra", spesialsydd stilling som gir fortrinn i kampen om kloke hovud. Totalpakka med nettverket og eigenutviklingsprogrammet er attraktivt for dei som ønskjer seg eit springbrett til karriere.
Bedrifta tilbyr eitt års tilsetjing for nyutdanna med bachelor- eller masterutdanning. Traineeane er under 35 år og har maks tre års arbeidserfaring. Kva fagområde stillinga omfattar er opp til bedrifta. Det er som regel stor variasjon i fagkompetanse og utdanningsbakgrunn blant traineeane. Arbeidsavtalen er mellom traineeen og bedrifta, og interne forhold som løn, ferie, arbeidsstad etc. fastsett i kontrakten. Traineeprogrammet går over eitt år, frå august til august. Det er eit mål å tilby traineeane fast tilsetjing etter avslutta traineeperiode.
- Les om traineeane 2011-2012.
- Sjå traineebedriftene 2011-2012.
- Les nyheitssak: Dei regionale traineeprogramma gir gode resultat og knuser myte
- Sjå hovudsida for traineeane.
Alle traineane skal ha ein mentor i bedrifta si. Det vil seie at bedrifta gir ein tilsett ansvar for ekstra oppfølging og støtte av traineeen. Mentoren blir også traineeprogrammet sin kontaktperson i bedrifta. Mentoren treng ikkje vere leiar for bedrifta.
Kostnader
(obs desse er basert på kull 2012/2013. Ny informasjon om vilkår for det nye kullet 2013/2014 blir lagt ut på hausten 2012)
Traineebedrifta dekkjer:
- utgifter til løn og direkte kostnader knytt til tilsettinga
- ein egenandel på kr 30.000,- (for små bedrifter under 10 tilsette) eller kr 47.500,- (for bedrifter med 10 eller fleire tilsette) for kvar trainee som tilsettast, for å dekke kostnadene for det eigenutviklingsprogrammet og ein del av felleskostnadane
- reisekostnader i fylket i samband med traineesamlingane (4 pr. traineeår)
- reise- og opphald i samband med ein utanlandsk studietur
Det er ein forutsetning at bedriften har ein bedriftsprofil på Framtidsfylket.no slik at traineestillinga kan lysast ut i våre kanaler. Sjå også priser og vilkår for bedriftsprofil.
Framtidsfylket AS dekkjer de resterande kostnadane for dei fire fellessamlingane, eigenutviklingsprogrammet, marknadsføring, koordinering m.m.
Ta kontakt viss de er interessert
Kullet som starter august 2012 er fullt opp. I oktober 2012 begynner vi å rekruttere traineebedrifter til neste kull (start august 2013) og skal kartlegge då kva bedrifter som ønskjer å vere med frå august 2013. For å utnytte marknadsføringsprosessen for fullt er det ønskjeleg å ha avklara om de ønskjer ein trainee, seinast i desember 2012.
Ønskjer du meir informasjon: ta kontakt med dagleg leiar i Framtidsfylket, Anne van Oorschot, mobil 928 35 232, epost: anne@framtidsfylket.no.
- Møt tidlegare traineear:
- Sjå videoen om Vegard Åstebøl Larssen som vart dagleg leiar hos Stad Towing Tank
- Sjå videoreportasje om traineear som fekk meirsmak hos Sogn og Fjordane Energi
- Les om Lisbeth Bringebøen og Asbjørn Ness som var hos Sogn og Fjordane fylkeskommune
- Les om Daniel Wergeland som var hos Normatic