Instruks om opplasting av vitnemål, karakterlister og attestar til traineesøknad

For å kunne vurdere kompetansen din på ein god måte er det nødvendig å ha mest mogleg truverdig og aktuell dokumentasjon. Det er dokumentasjonen og søknaden som avgjer kor vidt du blir kalla inn til intervju.

Det er obligatorisk å laste opp karakterliste og vitnemål frå utdanninga di, frå og med vidaregåande skule til og med utdanninga du evt. held på med no. Viss du ikkje er ferdig med studiane dine, bør du laste opp ei mellombels karakterutskrift. Det er ein fordel om den er signert/stempla av studieadministrasjonen.

Den beste måten å gjere dette på er å scanne dokumenta dine for så å laste dei opp i søknadsskjemaet.

Vedlegg har blitt lasta opp når lenkene til filvedlegga er synlege der du la dei til.

Det er ikkje mogleg å laste opp vedlegg etter at du har sendt inn søknaden (trykt på den gule ’Send’-knappen), eller etter at søknadsfristen har gått ut.

Søknaden din blir uansett ikkje vurdert før søknadsfristen (15. mars 2012) har gått ut, så bruk den tida til å skrive ein god søknad og laste opp dei nødvendig vedlegg. Alt bør vere på plass innan 15. mars, for å unngå stress helst eit par dagar før.

Lukke til!

Har du fleire spørsmål send epost til dagleg leiar i Framtidsfylket, Anne van Oorschot på anne@framtidsfylket.no

Teknisk info

NB! Skjemaet er ikkje testa med eldre nettlesarar. Så om du t.d. manglar dei to gule knappane nedst i skjemaet bør du heller bruke Internet Explorer 7 eller nyare (8, 9 osv.), Google Chrome, oppdatert Safari. Opera eller Mozilla Firefox. Alle desse er gratis.