Fritid
|
Dei som flyttar til Sogn og Fjordane lærer fort å utvide fritidsomgrepet sitt. Her treng ein ikkje planlegge veker i førevegen for å ta ein fisketur på fjorden eller i eit fjellvatn, eller å kjøle seg nær breen. I 24 av dei 26 kommunane har du sjøen eller ein fjordarm innanfor kommunegrensene, og i dei to andre kommunane kan du velje mellom Europas djupaste innsjø Hornindalsvatnet, eller idylliske Jølstravatnet som er udødeleggjort i Nikolai Astrups måleri. Aldri meir enn ein kort biltur unna, i verste fall. Det meste er gratis. Og i Sogn og Fjordane får du meir tid til å drive med det du likar best. Samfunnsvitar Linda Vøllestad Westbye i Lotteri- og stiftelsestilsynet seier ho får meir ut av dagen etter at ho flytta frå storbyen til Sogn og Fjordane: – Her er inga rushtid og lange køar. Levekårsundersøkingar viser at størstedelen av befolkninga i Sogn og Fjordane går på tur, og at svært mange er aktive og likar å vera ute i frisk luft. Variert natur Fylket har også store utmarksareal som spenner frå lyngheier og myrar via skogsområde, bratte lier og kupert fjell til alpine fjellområde. Dette har vore med på leggje grunnlaget for eit allsidig friluftsliv frå sjø- og båtliv, jakt og fiske, turgåing og ski – gjerne omtala som det tradisjonelle friluftslivet. Det er mange ski- og alpinanlegg i alle regionane. I tillegg til sjølve naturkvalitetane er gjerne kulturhistorie med å auke verdien av eit område. ”Den trondhjemske postveg” slyngar seg gjennom fylket, og store delar er no lagt til rette for ferdsel. I tillegg har vi driftevegen gjennom Sogn og Fjordane. Kulturtilbod For dei som har lyst til å involvere seg eller ungane sine i det frivillege kultur- og idrettslivet, manglar det ikkje på tilbod. Kjelder: NRKs Fylkesleksikon Miljøvernavdelinga hos Fylkesmannen |
|
