Framtidsfylket – Registrer din CV

Vilkår

GENERELLE VILKÅR FOR REGISTRERING AV BRUKARPROFIL OG CV
Framtidsfylket AS har som hovedføremål å formidle kontakt mellom arbeidsgjevarar i Sogn og Fjordane som søkjer nye arbeidstakarar, og personar som ønskjer arbeid. I tillegg ønskjer vi å formidle kontakt mellom kommunar og potensielle nye innbyggjarar.
Dette kan skje ved at vi varslar deg om verksemder som kan vere potensielle arbeidsgjevarar, og/eller at vi formidlar din kontaktinformasjon til desse verksemdene eller kommunar/næringsutviklingsselskap (kun viss du har tilknytning til ein kommune i Sogn og Fjordane) slik at dei kan ta kontakt med deg direkte. 
Kontaktinformasjon blir berre formidla til arbeidsgjevarar og kommunar der Framtidsfylket AS har godkjent dei aktuelle representantane, og under føresetnad av at opplysningane bedrifta eller kommunen får tilgang til berre skal nyttast til bedrifta eller kommunen si rekruttering av arbeidstakarar og/eller innflyttarar. 
Kontaktopplysingar som namn, e-post, telefon og kompetanseområde er berre tilgjengeleg for Framtidsfylket, kommunar og arbeidsgjevarar dersom du godkjenner dette ved å krysse av under. Informasjonen du eventuelt registrerer i CV-en din og vel å gjere synleg vil berre kunne sjåast av Framtidsfylket og godkjende representantar for arbeidsgjevarar som er logga inn på www.framtidsfylket.no. 
Alle opplysningane du gir i profilen din og i CV'en blir lagra i database gjennom vår leverandør Keyteq AS. Du har høve til å slette deg som brukar når du måtte ønskje det.

STANDARDVILKÅR FOR BRUKARPROFIL
1.Aksept av vilkår 
For å leggje inn dine kontaktopplysningar og informasjon om kompetanse på www.framtidsfylket.no må du akseptere følgjande vilkår for brukarprofil (heretter ”Brukarvilkåra”). Brukarvilkåra er ein juridisk bindande avtale mellom deg som brukar og Framtidsfylket AS, Postboks 26, 6731 Davik, org. nr. 992 403 896 (heretter ”Framtidsfylket”). Brukarvilkåra blir oppdaterte med jamne mellomrom. Du har sjølv ansvar for å vere kjend med dei til ei kvar tid gjeldande vilkår, og aksepterer desse ved å halde fram med å bruke tenestene hos Framtidsfylket. 
Informasjonen du har lagt inn om deg sjølv og bruk av tenestene på Framtidsfylket må til ei kvar tid vere i samsvar med desse Brukarvilkåra og norsk rett. Du aksepterer å ikkje nytte Framtidsfylkets tenester på ein måte som medfører skade eller ulempe for Framtidsfylket eller ein tredjepart. 
Om ein profil strir mot Brukarvilkåra har Framtidsfylket rett til å stoppe eller fjerne opplysingane. Ved gjentekne brot på Brukarvilkåra vil brukaren ekskluderast frå Framtidsfylkets teneste. 

2.Personopplysningar 
Framtidsfylket er ansvarleg for behandling av dei personopplysningane du oppgjev i din profil, og er forplikta til gjennom planlagde og systematiske tiltak i samarbeid med Keyteq AS å sørgje for tilfredsstillande informasjonstryggleik med omsyn til konfidensialitet, integritet og tilgjenge ved behandling av personopplysningar. Opplysningane blir berre nytta i samsvar med vår avtale med deg, dvs. bruk i rekrutteringssamanheng for Framtidsfylket, og Framtidsfylkets samarbeidspartnerar på arbeidsgjevarsida, og overfor kommunar. Personopplysningar om deg kan ikkje nyttast til andre føremål utan at du først gjev uttrykkeleg samtykke til det. Personopplysningar vil ikkje bli lagra lenger enn det som er naudsynt for at vi skal kunne oppfylle våre plikter overfor deg, føresett at vi ikkje er forplikta etter den til ei kvar tid gjeldande lovgjeving til å arkivere eller oppbevare opplysningane. Vår oppbevaring og behandling av personopplysningar om deg er såleis heimla i personopplysningslova § 8 første ledd bokstav a. Du kan til ei kvar tid sjå kva opplysningar som er registrert om deg og gjere endringar i disse ved å gå inn på ”Profilside”. Ver merksam på at det kan vere naudsynt å gje opplysninger om deg vidare til utenforståande dersom dette følgjer av lovpålagde krav. Du kan slette all din informasjon sjølv når du måtte ønskje det ved å logge inn på ”Profilside”. 

3.Kven ser din profil? 
Framtidsfylkets base med profilar med kontaktopplysningar kan nyttast av alle representantar for kommunar og arbeidsgjevarar som aktivt har godteke Framtidsfylket sine vilkår, og som er godkjende av leiinga i Framtidsfylket. 

4.Tvistar 
Tvistar som måtte oppstå vedrørande tjenesta eller desse Brukarvilkåra skal avgjerast etter norsk rett med Fjordane tingrett som verneting. 

5.Spørsmål 
Dersom du har spørsmål om eller synspunkt på Framtidsfylkets teneste eller Brukarvilkåra, kontakt dagleg leiar på telefon 928 35 232 eller epost anne@framtidsfylket.no.

STANDARDVILKÅR FOR CV
1.Aksept av vilkår 
For å leggje inn din CV på www.framtidsfylket.no må du akseptere følgjande vilkår (heretter ”Brukarvilkåra”). Brukarvilkåra er ein juridisk bindande avtale mellom deg som brukar og Framtidsfylket AS, Postboks 26, 6731 Davik, org. nr. 992 403 896 (heretter ”Framtidsfylket”). Brukarvilkåra blir oppdaterte med jamne mellomrom. Du har sjølv ansvar for å vere kjend med dei til ei kvar tid gjeldande vilkår, og aksepterer desse ved å halde fram med å bruke tenestene hos Framtidsfylket. Ytterlegare vilkår vedrørande utlegging av CV, eller bruk av Framtidsfylkets øvrige tenester kan gå fram av informasjon ved utlegging av CV m.v. eller andre stader på Framtidsfylkets Internett-sider, og slike vilkår skal sjåast på som ein del av desse Brukarvilkåra. 

2.CV-eigarens ansvar 
Din CV og bruk av tenestene på Framtidsfylket må til ei kvar tid vere i samsvar med desse Brukarvilkåra og norsk rett. Du aksepterer å ikkje nytte Framtidsfylkets tenester på ein måte som medfører skade eller ulempe for Framtidsfylket eller ein tredjepart. Du er sjølv ansvarleg for innhaldet i din CV. Din CV må ikkje innehalde opplysningar om helseforhold, etnisk opphav, politiske meiningar, livssyn, fagforeiningsmedlemskap, seksualliv eller sensitive personopplysningar på andre måtar. Din CV må heller ikkje ha innhald som er usant, i strid med tredjeparts rettar, eller som kan verke krenkande, eller vere i strid med norsk rett. Framtidsfylket har rett til å halde CV-eigaren økonomisk ansvarleg for skade eller tap som måtte oppstå på Framtidsfylket si side på grunn av CV-eigars brot på Brukarvilkåra. 

3.Handlingar i strid med Brukarvilkåra
Om ein CV strir mot Brukarvilkåra har Framtidsfylket rett til å stoppe eller fjerne CV-en. Framtidsfylket har rett til å på sakleg grunnlag vurdere om CV-en eller CV-eigarens handlingar bryt med Brukarvilkåra. Ved gjentekne brot på Brukarvilkåra vil CV-eigaren ekskluderast frå Framtidsfylkets teneste. 

4.Framtidsfylkets ansvar
Framtidsfylket er ikkje ansvarleg for CV-ens innhald. Framtidsfylket kan ikkje haldast ansvarleg for tekniske problem, avbrot i tenesta, datafeil, datatap eller annan skade eller tap som måtte oppstå for CV-eigaren, med mindre skaden eller tapet skuldast forsett eller grov aktløyse frå Framtidsfylket AS eller hostingleverandør Keyteq AS si side. CV-eigaren skal halde Framtidsfylket skadeslaus for eitkvart krav frå tredjeperson som er ei følgje av bruk av Framtidsfylkets teneste. 

5.Personopplysningar 
Framtidsfylket er ansvarleg for behandling av dei personopplysningane du oppgjev i din CV, og er forplikta til gjennom planlagde og systematiske tiltak i samarbeid med Keyteq AS å sørgje for tilfredsstillande informasjonstryggleik med omsyn til konfidensialitet, integritet og tilgjenge ved behandling av personopplysningar. Opplysningane blir berre nytta i samsvar med vår avtale med deg, dvs. bruk i rekrutteringssamanheng for Framtidsfylkets partnerar; kommunar og arbeidsgjevarar, og personopplysningar om deg kan ikkje nyttast til andre føremål utan at du først gjev uttrykkeleg samtykke til det. Personopplysningar vil ikkje bli lagra lenger enn det som er naudsynt for at vi skal kunne oppfylle våre plikter overfor deg, føresett at vi ikkje er forplikta etter den til ei kvar tid gjeldande lovgjeving til å arkivere eller oppbevare opplysningane. Vår oppbevaring og behandling av personopplysningar om deg er såleis heimla i personopplysningslova § 8 første ledd bokstav a. Du kan til ei kvar tid sjå kva opplysningar som er registrert om deg og gjere endringar i disse ved å gå inn på ”Min CV”. Ver merksam på at det kan vere naudsynt å gje opplysninger om deg vidare til utenforståande dersom dette følgjer av lovpålagde krav. Du kan slette all din informasjon sjølv når du måtte ønskje det ved å logge inn på ”Min CV”. 

6.Kven ser din CV? 
Framtidsfylkets CV‐base kan nyttast av alle arbeidsgjevarar som aktivt har godteke Framtidsfylket sine vilkår, og som er godkjende av leiinga i Framtidsfylket. Overfor godkjende arbeidsgjevarar vil du som CV-eigar kunne bestemme om din kontaktinformasjon skal vere open, eller om du vil anonymisere slik at opplysningar om namn, telefon og adresse blir halde skjult for alle andre enn deg. 

7.Endringar/avgrensninger i Framtidsfylkets teneste
Framtidsfylket har rett til å gjere utbetringer på tenesta som kan medføre at vi må flytte på din CV eller liknande. 

8.Tvistar 
Tvistar som måtte oppstå vedrørande tjenesta eller desse Brukarvilkåra skal avgjerast etter norsk rett med Fjordane tingrett som verneting. 

9.Spørsmål 
Dersom du har spørsmål om eller synspunkt på Framtidsfylkets teneste eller Brukarvilkåra, kontakt dagleg leiar på telefon 928 35 232 eller epost anne@framtidsfylket.no.
Eg godtek vilkåra
Registrer din CV

Registrer deg på Framtidsfylket!

Personalia

Vel passord

Kva område interesser deg mest?

Diverse

Din nøkkelkompetanse/ditt fagområde (Vel 1, maks. 2)

Vilkår

For arbeidssøkjar

Fleire fordelar som brukar

Logg inn på Framtidsfylket

Registrer din CV

Registrer deg på Framtidsfylket!

Personalia

Vel passord

Kva område interesser deg mest?

Diverse

Din nøkkelkompetanse/ditt fagområde (Vel 1, maks. 2)

Vilkår

For arbeidssøkjar

Fleire fordelar som brukar

Logg inn på Framtidsfylket

Meld deg på vårt Nyheitsbrev
