Fram Flora as

Fram Flora har to forretningsområde, industriinkubator og næringsutvikling. Dette for å synleggjere dei ulike aktivitetane mellom anna med omsyn til rapportering og økonomi. Hovudaktiviteten i selskapet er industriinkubator.

Forretningsplan for forretningsområdet industriinkubator er utarbeidd og underteikna av dei fire selskapa STX, Saga Fjordbase, GDF Suez og Statoil. Desse selskapa har delteke i ein retta emisjon i selskapet der dei har forplikta seg til å bidra økonomisk i perioden 2011 til 2015. Det er svært positivt at ein har fått inn tunge lokale næringsaktørar på eigarsida. Vi er sikre på at desse verksemdene vil bidra positivt til næringsutvikling lokalt, men og medverke til regionale ringverknader. 

Eigarsamansetninga i Fram Flora er om lag 23% offentleg eigarskap (Flora kommune og SIVA med likt eigarskap) og om lag 77% som er eigd av private verksemder.

Fram Flora as skal utvikle og gjennomføre nettverksaktivitetar og samarbeid både lokalt og regionalt mellom aktørar innan maritime og marine næringar som utviklar attraktiviteten og genererar moglege nyetableringar, lønsemd og vekst i eksisterande og nye verksemder.