Havyard Power & Systems AS

Havyard Power & Systems AS spesialiserer seg på maritim elektrisk installasjon og er ein integrert del av Havyard Group. Våre kompetente medarbeidarar er løysingsfokusert så vi har lykkast med å levere positive resultat og doble omsetninga kvart år sia etableringa i 2003.

Vi held til i lokale hjå hovedkunden vår, Havyard Ship Technology AS i Hyllestad kommune, samt kontor i Ålesund og Førde. Staden har god kommunikasjon med kort veg til flyplass og 2 timer til Bergen med ekspressbåt. Kommunen kan by på gode bu- og oppvekstvilkår med full barnehagedekning og flott natur med gode tilkomstmulegheiter både til fjell og sjø. Havyard Ship Technology AS er eit skipsverft med moderne produksjons-lokaler med overbygd tørrdokk.

Meir enn 80 års erfaring og utvikling har gjort verftet til eit solid kombinasjonsverft som beherskar både reparasjonar og nybygg. Havyard Power & Systems sysselset førebels 36 eigne tilsette og ei rekkje underleverandørar. Svært gode ordrereservar og langsiktige ordreutsikter gjer at vi ynskjer å auke vår kapasitet og kompetanse innan skipsinstallasjon, sjå ledige stillingar.