Familieliv og karriere i saftbygda
«Ti år med stress og køar i Oslo var nok. Her heime i Sogndal får me meir tid til å fokusera både på jobb og privatliv».
- Eg klarer å ete ei skive med syltetøy og drikka juice utan å tenkja tal og millionar, seier Bernt Bergheim.
Men jobben i Lerum engasjerer og er interessant. Etter ti år i Oslo kom han heim igjen til Sogndal og har vore økonomidirektør i Lerum sidan 2005. Før det jobba han i ErgoGroup og Pricewaterhouse Coopers i Oslo. Bernt Bergheim har solid utdanning som siviløkonom frå BI og statsautorisert revisor ved NHH.
Bernt Bergheim ser på dataskjermen sin og seier at han der kan følgja med på alt som skjer kvart minutt i produksjonen i dei to fabrikkane dei har i Sogndal og Kaupanger. Lerum har ei årsomsetning på 450 mill.kr.
- Me produserer kvart år 30 millionar liter juice, 14 millionar liter saft og 8 millionar kilo syltetøy. Det at me har to fabrikkar og mange vogntog på vegen heile tida, gjer at det alltid er utfordrande og spennande å driva økonomistyring i denne moderne produksjonsbedrifta.
Han budde ti år i Oslo, men han og kona fekk nok av stress og lite fritid. Kona, Karianne Brøndbo Bergheim frå Halden er også siviløkonom og statsautorisert revisor. Sjølv om dei altså har lik utdanning, har dei begge funne relevante, interessante jobbar i Sogndal. Karianne er dekan for økonomifaga ved Høgskulen i Sogn og Fjordane. Ho nektar for at det er karrierenederlag å forlate jobben i eitt av dei store konsulent- og revisorselskapa i Oslo, Ernst & Young og flytte til Sogndal.
- Det er absolutt relevante jobbmuligheter her også. Jeg har fått flere interessante jobbtilbud her i Sogndal, så det er mange muligheter for folk med god utdannelse også her.
Begge to ser mange fordelar med å bu i Sogndal i motsetnad til i Oslo-området. Der kunne dei bruke 2 timar i bil dagleg til og frå jobb. Her er det enklare å administrere kvardagen og få meir tid til dei tre borna. Både Bernt og Karianne vedgår at det var det andre barnet som gjorde at det vart flytting til Sogndal, Bernt si heimbygd.
- Karianne var noko skeptisk til å flytte hit. Eitt av krava ho stilte, var at me skulle få eitt barn til, seier Bernt.
- Da vi fant ut at ho var gravid, ringte Bernt sporenstreks til Lerum og sa: jess, nå er me klare, Karianne er gravid!
Overgangen frå storbylivet har vore berre positiv, meiner dei. Sjølv om Sogndal på langt nær har same tilbodet når det gjeld butikkar, er ikkje det noko problem. Netthandel er enkelt, og det hender dei reiser til Førde eller Bergen, som er vel tre timar unna.
Karianne meiner det er noko spesielt med sognegutane; dei har draget på damene - også austlandsdamer som henne - og det er svært mange som flyttar tilbake med dame frå austlandet. Bernt er svært glad for å vere «heime» igjen:
- Når både skule, barnehage og jobb er så nær heimen, blir det mykje enklare å kunne fokusere både på privatliv og jobb.
Og jobben i Lerum er svært interessant og utfordrande, seier økonomidirektøren .....med ei fortid som fotballspelar for Sogndal sitt guttelag, men med håp om at saftgutadn skal klara seg godt i eliteserien.
Kommentarer på artikkelen “Familieliv og karriere i saftbygda”
Skriv din kommentar