Nye litteratursprell i Aurland
Nynorske Litteraturdagar i Aurland i Indre Sogn er klare for nye sprell!
Linda Eide (bilete øvst) stiller igjen i grilldress, og på same scene står Åsleik Engmark. Finn Tokvam møter folkrockgruppa Lomsk, og Marit Eikemo presenterer sin nyaste roman.
Arrangementet går av stabelen 30. oktober – 1. november. I år er menyen ei unik blanding av solide forfattarar, aktuelle tema og kvalitetsmusikk på dialekt.-Tom-Henning-Bratlie.jpg "Marit Eikemo")
Som kjent vil multikunstnaren Oddvar Torsheim og NRK-journalisten Birger Meland vere med på å gjere Aurlandsbygda utrygg.
Linda Eide stiller igjen i grilldress, og Olav Stedje pakkar med seg gitaren og tek turen til Aurland.
Tove Bakke kjem. Ho har hatt stor suksess med omsetjing av den franske forfattaren Anna Gavalda til nynorsk,
Kjem gjer også forfattarane Arnfinn Nordbø og Marit Eikemo (bilete nr. 2). Hallingen Hallgrim Berg set fokus på to gode her i livet, rakfisk og humor, og Bergen Mandolinband lovar god stemning!-privat.jpg "Finn Tokvam")
Seminar om lokalhistorie
Under litteraturdagane byr vi også på Fjordaquiz, lyrikk, stand-up og ikkje minst miniseminar om det høgaktuelle temaet lokalhistorie og slektsforskning. Her vil ulike føredragshaldarar gi oss kunnskap om kva arbeid som føregår på desse områda.
Borna får også sitt med Geirr Lystrup sitt populære barnearrangement, og teikneserieverkstad med teikneserieskapar Øystein Runde.
Storkonsert i Aurlandshallen-Lomsk.jpg "Lomsk")
Nynorske Litteraturdagar vert avslutta med storkonsert i Aurlandshallen. Her vil Flåm sin store son, Finn Tokvam (bilete 3), få sitt livs møte med folkrockgruppa Lomsk frå Lom.
Alt ligg til rette for litterære og musikalske sprell i Aurland 30.oktober – 1.november!
Sjå det fullstendige programmet på www.nynorskelitteraturdagar.no
Kommentarer på artikkelen “Nye litteratursprell i Aurland”
Skriv din kommentar