Truleg ny felgproduksjon i Høyanger frå 2011
Vel eitt år etter at største bedrifta i Høyanger gjekk konkurs, bilfelgprodusenten Fundo Wheels, ser det ut til at det på ny kan bli felgproduksjon i tettstaden.
Etter planen, startar produksjonen av hybridhjulet i 2011. Dette vart offentleggjort under eit næringslivsmøte i Høyanger onsdag kveld.
Der står enno att formell avtaleunderskriving mellom det franske selskapet St. Jean Industries og Innovasjon Norge. Men kontaktperson for St. Jean Industries i Høyanger, Einar Aasen, valde å offentleggjere nyheita under møtet med klar ambisjon: – Dette skal vi få til.
Aasen er tidlegare utviklingsdirektør for Fundo, og har vore sentral i utviklinga av hybridfelgen, eller det så kalla to delte hjulet.
Det blir ein forsiktig start med 14 tilsette og årleg produksjon på 30 000 felgar. I 2015 er målet 150 tilsette og 500 000 felgar.
(Foto: Arild Nybø, mediebruket.no)
Kommentarer på artikkelen “Truleg ny felgproduksjon i Høyanger frå 2011”
Skriv din kommentar