Hyllestad
Tusenårig industrihistorie. Skipsbygging. Kystkultur.
Hyllestad ligg på nordsida av Sognefjorden, i vest mot det opne havet, og svært sentralt mellom Bergen og Førde. Frå Hyllestad når vi fotballkampen på Brann stadion etter arbeidstid, og er heime att til Kveldsnytt.
Her er det spor etter tusen år gamal norsk eksportindustri. Båtlaster med kvernstein gjekk herfrå til Europa alt i vikingtida. Steinhoggartradisjonen er ført vidare i moderne produkt og design. Industritradisjonen er ført vidare av Havyard Ship Technology, som leverer skip av høgteknologisk standard i verdsklasse. Næringslivet elles har både private og offentlege arbeidsplassar. Kommunen har full barnehagedekning, eit godt skuleverk og driv aktivt arbeid for nyetablering og utvikling.
Fjell, fjord og hav gjev fysiske utfordringar og store sanseinntrykk. Gjennom gode smaksopplevingar frå fisk og vilt frå naturen kan du og dine få gode stunder.
Ei meiningsfylt fritid og gode sosiale relasjonar får du gjennom deltaking i ulike lag og organisasjonar. Kanskje kan også du bli med oss og hente heim fine premiar frå NM i biljard, Landskyttarstemnet, fotballturneringar, med meir.
Fakta om kommunen
Andre lenker
