Luster
Grøne fjordar. Brepub. Fjellfilm. Kajakkpadling blant isflak.
Luster ligg der Sognefjorden sluttar og Jotunheimen tek til, og rommar storslegne naturområde og nasjonalparkar innanfor eit område som er større enn Vestfold fylke.
Kraftkommunen har god plass og solid økonomi, og tilbyr unike vilkår for tilflyttarar, med billige tomter og tilskot for husbygging, bedriftsetablering og heimekontor. Kommunen var tidleg ute med full barnehagedekning, og driv heile ni barnehagar og ti skular.
Luster har skisenter og badeanlegg, men dei mest særprega naturopplevingane ventar i fjordarmar, elvedalar og brevatn. I små bygder som Jostedalen og Solvorn har det vakse fram spenstige, unge miljø av fastbuande som skapar seg yrke i skjeringspunktet mellom friluftsliv og turisme.
