Stryne-karar kan bli årets bygdeprofil
Simen Staalnacke og Peder Børresen i Moods of Norway gir seg sjølve ein spontan applaus etter å ha høyrt Nationes grunngjeving for nominasjonen til årets bygdeprofil.
Hovudmålet deira har heile tida vore, i tillegg til å gjere bestemor stolt, å lage glade klede til glade folk. Det skriv Nationen, som kårar Årets bygdeprofil i Norge 2009, og har nominert Moods-karane frå Stryn i Nordfjord.
Sju år har gått sidan dei tok mote-Norge med storm. Klede i sjokkrosa og lilla med bondesymbol og erkenorske historier appellerte til folk som ville skille seg ut. Mildare versjonar vart teke inn i varmen av folk flest. Og Moods of Norway-konseptet har blitt pensum på Harvard.
Frå den fyrste kolleksjonen vart lansert i 2003, har omsetjinga auka frå om lag 400.000 kroner den gong, til godt over 52 millioner i 2008. I 2009 har dei budsjettert med å nå 100 millionar kroner, og ligg svært godt an. Dei har ni eigne Moods-butikkar i Noreg, og er godt på plass i USA, Sveits, Nederland, Japan og Island. Rett over jul lanserer dei sin nye kolleksjon i sju butikkar i New York. Det kan ikkje gå fortare enn det gjer.
– Bestemor er stolt. Det må ho no vel vere? undrar Simen.
- Les heile saka i Nationen
- Les om designmiljøet i Sogn og Fjordane
Kommentarer på artikkelen “Stryne-karar kan bli årets bygdeprofil”
Skriv din kommentar