Dette skjedde på ELEVATE – dag tre
Variert er stikkordet for dag tre på Elevate. Betre sjølvinnsikt, matredding og teknologi stod på programmet.
Karrierefestivalen i Sunnfjord sin tredje dag bydde på frukostmøte med Norec, lunsjmøte med Sunnfjord Miljøverk og TechPub.
Ein god icebreaker
Ingen tvil om at Norec sitt frukostmøte var ein icebreaker. Gjennom verktøyet Divercity Icebreaker skulle litt over tjue personar bli betre kjende med seg sjølve. Etter å ha fylt ut eit spørjeskjema, vart deltakarane delt inn i grupper etter resultat og kva farge dei var. Latteren sat laust blant dei ulike gruppene, og vi vart betre kjende med både oss sjølve og dei andre deltakarane på kurset etter innsiktsfulle oppgåver.
"Vi kommuniserer og samarbeider ulikt"
Lisa Gontarek er programrådgjevar i Norec og gav oss innføring i Diversity icebreaker.
Allereie under frukosten var det god stemning mellom deltakarane.
Engasjerte deltakarar gav gode diskusjonar.
Ingen tvil om at den raude gruppa var ein sosial gjeng.
Den grøne gruppa er framtidsretta og eit viktig perspektiv i organisasjonar.
– Vi kastar sjukt masse mat!
På lunsjmøtet til Sunnfjord Miljøverk fekk vi ei innføring i korleis dei jobbar, samt nokre tal på kor mange tonn med matavfall vi kastar – og korleis vi kan få ned dette talet.
Vidare gjekk influenser Linda Stuhaug på scena. Ho gav oss både fakta og gode råd om korleis redusere matsvinn, og avslutta med inspirasjon til korleis bruke restar og utgåtte matvarer.
Nydeleg lunsj vart servert med oppfordring om at alle måtte ete opp maten!
"Det er hushaldninga som har størst matsvinn"
Maten som vart servert var sjølvsagt laga av slappe grønsaker, brokkolistilken, poteter til overs og anna restemat frå leverandøren Mitt lille kjøkken. Alt smakte himmelsk!
Karoline Høyvik jobbar i Sunnfjord Miljøverk og ønska dei vel 60 oppmøtte velkommen.
Linda Stuhaug er ein kjend matreddar og gav salen harde fakta om matsvinn.
" I dag er det ikkje lov å kaste mat" var oppmodinga på lunsjmøtet.
Der techfolk møtast
Endeleg skulle techfolket i Sunnfjord få sin eigen møteplass. Karrierefestivalen i Sunnfjord inviterte til TechPub på Peak med faglege innlegg, mat, mingling og pub. Det var fullt hus og 50 pizza gjekk ned på høgkant. Dette var verkeleg Tech-bransjens kveld. Allereie tidleg på kveld fekk vi spørsmål om «kortid blir neste TechPub?»
Faglege innlegg frå Bouvet, Kunnskapsparken, Intin og HVL Robotics stod på programmet, og robotane frå HVL skulle vise seg å vere veldig populære, spesielt beerpong-roboten, der det vart kø.
Robotane til HVL var populære gjester denne kvelden.
TechPub samla sunnfjordingar med interesse for ny teknologi.
Robot som spelar beerpong? Javisst!
Presentasjonar med siste nytt frå techverda stod på programmet. Her frå Intin sitt innlegg ved Hugo Mølmesdal.