SpareBank 1 Sogn og Fjordane

SpareBank 1 Sogn og Fjordane er meir enn ein bank. Vi trur på verdien av å skape dei gode kunderelasjonane og på det å vere nær. Som største sparebank i Sogn og Fjordane kan vi tilby deg jobb innan mange spennande fagområde – kreditt og finansiering, sparing og plassering, elektronisk betalingsformidling, valuta og valutahandel, finans, økonomi- og risikostrying, IT, juss, marknadsføring og HR.

SpareBank 1 Sogn og Fjordane har ein visjon om å vere ei drivkraft for fylket. Vi veks nasjonalt og forvaltar verdiane i Sogn og Fjordane. For oss er det viktig at overskotet til banken kjem lokalsamfunnet til gode i form av gåve - og sponsormidlar.

Kven er vi?
SpareBank 1 Sogn og Fjordane er den sjuande største sparebanken i landet, og har nær 50 % av marknaden i Sogn og Fjordane. Banken har ein forvaltningskapital på om lag 78 millardar kroner, og nær 300 tilsette i Sogn og Fjordane og Bergen. Banken er det største finansielle fagmiljøet mellom Ålesund og Bergen. Vi støttar næringsutvikling i regionen og bidreg til omstilling til eit meir klimavennleg og berekraftig samfunn.

Korleis er det å jobbe i SpareBank 1 Sogn og Fjordane?

Arbeidsmiljø - SpareBank 1 Sogn og Fjordane er ein innovativ og framtidsretta bedrift. Som tilsett i banken vil du vere ein del av eit hyggjeleg og uformelt arbeidsmiljø med stor takhøgde. Vi kan tilby mykje gøy på jobben, spennande prosjekt, vidareutdanning og gode personal- og pensjonsordningar. I tillegg har vi hytteordning for tilsette både på fjellet, i byen og i utlandet.

Likestilling - SpareBank 1 Sogn og Fjordane har som mål å vere ein av dei mest attraktive arbeidsplassane i fylket. Vi har fokus på å ivareta og utvikle mangfald i banken, både i kvardagen og i rekruttering.

Kunnskapsdeling - utfordrande og spennande arbeidsoppgåver med moglegheit for kompetanseheving- og utvikling. Vi kan tilby støtte til utdanning og kurs. SpareBank 1 Sogn og Fjordane skal vere prega av ein kultur basert på læring, utvikling, samarbeid og open kommunikasjon.