Barnehagelærar - Indre Hafslo oppvekstsenter

Om stillinga

Det er ledig 40 % fast stilling frå 01.08.22 og 60 % mellombels stilling i tida 01.08.22-31.07.23. Stillingane kan kombinerast.

Indre Hafslo barnehage har to avdelingar med til saman 36 barnehageplassar, og er ein del av Indre Hafslo oppvekstsenter. Ved oppvekstsenteret er det også skule for 1. -7. steg, samt SFO. Komande skuleår blir det 39 elevar ved skulen.

Fokusområde i barnehagen inneverande år er inkluderande leikemiljø og fysisk aktivitet. Barnehagen bruker nærmiljøet aktivt, mellom anna uteområdet i skogen like ved. Indre Hafslo oppvekstsenter deltek saman med dei andre barnehagane i kommunen i eit fellesprosjekt om psykisk helsefremjande barnehagar.

Stillinga inngår som ei av tre pedagogstillingar i barnehagen.

Kvalifikasjonskrav

• Utdanning som barnehagelærar, eventuelt anna utdanning som er likeverdig med barnehagelærarutdanning.
• Relevant praksis er ønskjeleg.

Om deg

• gode samarbeidsevner
• kan jobbe systematisk
• tydeleg vaksenperson som både er omsorgsfull og kan setje grenser
• vere fleksibel og skape gode relasjonar til både born, foreldre og medarbeidarar
• har god leikekompetanse
• ser viktigheita av uteaktivitetar
• takle høgt arbeidspress

Vi tilbyr

• Arbeid i ein veldriven kommune med gode og sikre rammevilkår
• Eit godt og stabilt arbeidsmiljø med høg fagkompetanse
• Gode moglegheiter for fagleg utvikling
• Kommunale tilsetjingsvilkår med gode pensjons- og forsikringsordningar
• Løn etter gjeldande tariff og avtaleverk