Jobb med mange fagområde innan fornybar energ

Nettselskapet Sygnir, ein del av Sognekraft-konsernet, består av 80 framoverlente og dyktige teknologar, ingeniørar og montørar. Me ønskjer no å styrkje organisasjonen og søkjer derfor etter ny medarbeidar i MAFI.

Kven er MAFI?

MAFI har på kontroll på alle straum-/effektverdiar som flyt inn og ut av nettet til kvar AMS målar, kvar plusskunde, kvar utveksling med andre nettselskap,- i kvar dag, kvar time, kvart minutt,- 365 dagar heile året. Dette omfattar heile den økonomiske og tekniske verdikjeda - og gjeld alt i frå måling/avrekning, Elhub, og til slutt fakturering/innfordring mot kunde. Her er og grensesnitt mot kunde (t.d. SoMe og digitale kundeverktøy), samt tilhøyrande grensesnitt mot resten av organisasjonen (t.d. økonomioppgåver eller datakontroll).

MAFI ynskjer å ligge i forkant av bransjeutfordringane ved å

• auke kvalitet på tenester og utvikle nye løysningar både mot eksterne kundar og internt i organisasjonen - noko som gjeld alt i frå økonomiske oppgåver til digitale og tekniske løysningar
• effektivisere prosessar og optimalisere måten ein utfører oppgåver
• vere i forkant av bransjekrav og forventingar

Kven er du i MAFI?

Du har utdanning innan økonomi, energi/elektro, IT eller andre relevante fag – slik at du kan bidra inn mot eit tverrfagleg team. Det vil vere ein fordel med kjennskap til energibransjen, anten gjennom teknisk kompetanse eller forståing for kraftnettet/kraftmarknaden. Erfaring med kundehandsaming kan og vere ein

fordel.

Kvalifikasjonar

• Høgare utdanning innan økonomi, energi/elektro, IT eller andre teknologiske fag
• Erfaring kan vege opp for krav om høgare utdanning, ev. relevant fagbrev
• Teknologisk forståing og interesse

Me tilbyr

• Ei spennande stilling på ein arbeidsplass som er viktig for det grøne skiftet, samtidig som den er ein viktig regional drivkraft i Sogn.
• Opplæring, kurs og stort potensiale for eigenutvikling.
• Ein travel arbeidsplass med stor aktivitet, store satsingar og gode kollegaer i eit sosialt produktivt miljø.

Vi ynskjer betre kjønnsbalanse i konsernet og oppfordrar generelt kvinner til å søkje.

Ta kontakt med avdelingsleiar Frode Valsvik på tlf. 950 48 029 om du har spørsmål.

Kontorstad i Vik, Lærdal, Aurland, Sogndal eller Balestrand.