Fagleiar omsorg

Hafslo omsorgssenter ligg flott til i fine omgjevnadar sentralt på Hafslo.

Tilsette ved Hafslo omsorgssenter yter tenester til omsorgsplass for personar med demenssjukdom, omsorgsbustadar og til heimebuande. I tillegg har me eit dagsenter for personar med demenssjukdom. Me søkjer fagleiar som kan arbeide fleksibelt med fagutvikling innan alle tenesteområda i eininga; omsorgsplass, heimetenesta, dagsenter og heimehjelp. Me har fokus på personsentrert omsorg og miljøbehandling.

Stillingsinformasjon

Luster kommune søkjer medarbeidar til 100 % fast fagleiarstilling, med dagarbeid måndag- fredag og arbeid kvar 6. helg.

Arbeidsoppgåver

• Fagleiar er direkte underlagt einingsleiar, og er stedfortredar for einingsleiar ved behov
• Utøve eit synleg/tydeleg fagleg leiarskap og stå fram som inspirator og positiv drivkraft
• Følgje opp drift og utvikling i høve lov, forskrift, planar, budsjett og andre styringsdokument
• Fagleg ansvar for pasientar ved eininga
• Samarbeid med pårørande
• Tverrfagleg samarbeid med andre aktuelle partar, delta i ulike aktuelle møtefora og syte for god informasjon og godt samarbeid
• Bidra til å utvikle og vedlikehalde eit godt arbeidsmiljø.
• Følgje opp og rettleie tilsette i fagleg utøving av sitt arbeid
• Mentor for nytilsette
• Oppfølgjing av studentar, elevar og lærlingar
• Følgje opp medisinsk behandling
• Avhjelpe personalgruppa med administrative arbeidsoppgåver
• Delta i stell og pleie ved behov
• Delta i arbeidet med medikamentdosering
• Delta på legevisitt
• Planlegge og gjennomføre kompetanseutviklingstiltak for tilsette
• Halde seg fagleg oppdatert og bidra aktivt til kvalitetsutvikling og kvalitetssikring av tenesta. Syte for eit godt og systematisk fagleg arbeid
• Bidra til å utvikle og sikre rutinar i forhold til fagprosedyrar i kommunen sitt kvalitetssystem. Oppfølging av dokumentasjonsplikta i journalsystemet i høve til lovkrav

Kvalifikasjonar

• Krav om 3-årig sjukepleie/vernepleieutdanning
• Ynskja relevant praksis i form av leiarskap
• Erfaring/kompetanse innan demensomsorg er ynskjeleg
• Beherske norsk, skriftleg og munnleg

Me legg vekt på

• Gode kommunikasjonsevner og rettleiings evner
• Det vert lagt stor vekt på personlege eigenskapar som evna til samarbeid, tydeleg leiing, fleksibilitet, struktur og gjennomføringskraft
• Fagleg engasjement for tenesteyting og tenestemottakarar

Me kan tilby

• Arbeid i ein veldriven kommune med gode og sikre rammevilkår.
• Eit godt og stabilt arbeidsmiljø med høg fagkompetanse.
• Gode moglegheiter for fagleg utvikling.
• Kommunale tilsetjingsvilkår med gode pensjons- og forsikringsordningar.
• Løn etter gjeldande tariff og avtaleverk.

Andre opplysningar

• Administrasjonsmålet i kommunen er nynorsk.
• Alle faste nytilsetjingar vert gjort med ei prøvetid på 6 månader.
• Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.
• Søknadar må leverast innan fristen og må sendast inn via rekrutteringssystemet vårt EasyCruit.