Førsteamanuensis / førstelektor / høgskulelektor i operasjonssjukepleie

Høgskulen på Vestlandet

Høgskulen på Vestlandet (HVL) er ein av dei største høgskulane i landet, med om lag 1 900 tilsette og 17 500 studentar fordelte på fem campus i Førde, Sogndal, Bergen, Stord og Haugesund.

Vi har sterke og innovative fagmiljø innan helse- og sosialvitskap, ingeniør- og naturvitskap, økonomi, samfunnsvitskap og maritime studier, og lærarutdanning, kultur og idrett. HVL tilbyr bachelor-, master- og doktorgradsutdanningar og ulike årsstudium.

HVL er tett på arbeidslivet, regionen og studentane, og har mål om å bli eit universitet med profesjons- og arbeidslivsretta profil.

Fakultet for helse- og sosialvitskap har om lag 400 tilsette og om lag 4900 studentar. Vi har eit breitt utdanningstilbod innan helse- og sosialfaglege profesjonsutdanningar, etter- og vidareutdanningar og fleire masterprogram. Fakultetet tilbyr ph.d.-utdanninga "Helse, funksjon og deltaking". I tillegg har Fakultet for helse- og sosialvitskap delansvar for forskingsområdet: "Innovasjon i offentleg sektor" i den tverrfakultære ph.d.-utdanninga Responsible Innovation and regional Development (RESINNREG).

Studentane våre får omfattande ferdigheitstrening i tillegg til praksis, mellom anna gjennom øvingar i kommunikasjon og utprøving ved eit avansert simuleringssenter, SimArena. Vi praktiserer fleksible læringsformer der studenten sjølv blir utfordra til å delta i forsking og utviklingsarbeid.

Ved institutt for helse- og omsorgsvitskap er vi om lag 210 tilsette og om lag 2400 studentar fordelte på studiestadane Førde, Bergen, Haugesund og Stord. Vi tilbyr bachelorutdanningar i sjukepleie og masterstudium i klinisk sjukepleie med sju ulike fordjupingsområde. I tillegg har vi masterstudium i jordmorfag, masterstudium i samhandling og folkehelse, masterstudium i avansert klinisk allmennsjukepleie og master i sjukepleie - kliniske spesialitetar, samt ei rekkje vidareutdanningar. Forskinga vår er retta mot å styrke kunnskapsgrunnlaget innan klinisk sjukepleie, kvalitet og innovasjon i helse- og omsorgstenester, folkehelse og livsstil samt utdanningskvalitet.

Ved Høgskulen på Vestlandet (HVL) er det ledig 100% fast stilling som førsteamanuensis/førstelektor/høgskulelektor innan fagområde operasjonssjukepleie ved Fakultet for helse- og sosialvitskap, campus Førde

Stillinga er knytt til Fakultet for helse- og sosialvitskap, Institutt for helse- og omsorgsvitskap, fagseksjon for master i klinisk sjukepleie.

Stillinga er i hovudsak knytt til operasjonssjukepleie , men ein må også pårekne undervisnings- og rettleiingsoppgåver på andre studietilbod i instituttet.

Det kan vere mogleg å kombinere stillinga med annan arbeidsgjevar.

Arbeidsstad er campus Førde.

Ansvars- og arbeidsområde:

• Undervisning, rettleiing og evaluering innan fagområdet operasjonssjukepleie, og emner knytt til fagseksjonen sine studieprogram
• Bidra til forsking knytt til fagseksjonen sine studieprogram i tillegg til fakultetet sine forskningsprofilar
• Bidra innan dei ulike faglege institusjonsbyggande oppgåvene, som til dømes studiekoordinering, emneansvar og utvikling av forskingsgruppene
• Forsking- og utviklingsarbeid med relevans for fagområde operasjonssjukepleie
• Delta i utvikling av nye relevante forskingsprosjekt og utarbeide søknader om ekstern finansiering saman med kollegaer i fagmiljøet
• Samarbeid om utdanning og forsking internt i høgskulen, og med nasjonale og internasjonale samarbeidspartnera
• Rettleiingsarbeid med masteroppgåver, praksisrettleiing, utarbeiding av eksamensoppgåver og sensur
• Den som blir tilsett må pårekne andre undervisning- og rettleiingsoppgåver ved instituttet

Kvalifikasjoner:

Kriterie for tilsetting i undervisings- og forskarstillingar går fram av Forskrift om ansettelse og opprykk i undervisnings- og forskerstillinger jf. Forskrift til universitets- og høyskoleloven § 13-2 (1).

• For tilsetting som førsteamanuensis krevst spesialutdanning i operasjonssjukepleie og avlagt ph.d.-grad.
• For tilsetting som førstelektor krevst spesialutdanning i operasjonssjukepleie med relevant mastergrad og dokumentert førstelektorkompetanse med relevans for det vitskaplege feltet.
• For tilsetting som høgskulelektor krevst spesialutdanning i operasjonsjukepleie med relevant mastergrad.
• Autorisasjon som sjukepleiar er eit krav for stillinga
• Utdanningsfagleg kompetanse er eit krav for stillinga*
• Interesse for og/eller erfaring med pedagogisk utviklingsarbeid, varierte undervisningsformer og internasjonaliseringsarbeid frå undervisning og rettleiing i høgre utdanning
• Relevant klinisk erfaring og praksisnær kompetanse
• God munnleg og skriftleg fremstillingsevne på norsk og engelsk
• Undervisningsspråket er norsk og søkjarar må beherske norsk eller anna skandinavisk språk
• God IKT-kompetanse

Ønska kvalifikasjonar

• Erfaring frå relevante forskings- og utviklingsprosjekt, medrekna erfaring med å skaffe ekstern finansiering og utvikling av forskings- og utviklingsprosjekt med praksisfeltet
• Erfaring med internasjonalt samarbeid og/eller arbeidserfaring
• Erfaring med undervisning og rettleiing i høgre utdanning
• Det er ein fordel at søkjar har erfaring med studentaktive læringsmetodar og digitale undervisningsformer

Personlege eigenskapar:

• Sjølvstendig og ansvarleg
• Positiv innstilling og god evne til å samarbeide med både studentar og kollegaer
• God evne til formidling
• Engasjement og interesse for fagleg utvikling

*Utdanningsfagleg kompetanse

Søkjarar som ved tilsetting ikkje fylle krava til forskrifta må oppfylle desse innan to år. HVL tilbyr kurs i høgskulepedagogikk.

For stilling som førsteamanuensis skal utdanningsfagleg kompetanse dokumenterast med ein pedagogisk mappe og ein pedagogisk cv i tråd med kriterier for utdanningsfaglig basiskompetanse ved ansettelse og opprykk i førsteamanuensis- og professorstilling ved HVL .

Korleis søke på stillinga?

Send søknad og CV ved å klikke på knappen merka ”Søk stillinga” på denne sida.

Vi gjer merksam på at søknaden blir vurdert ut frå den informasjonen som ved søknadsfristen er lagt inn i www.jobbnorge.no. Det er søkjaren sitt ansvar å sørgje for at alle relevante vedlegg er lagt inn innan fristen, irekna:

• vitskaplege arbeid (inntil 15 stk.)
• fullstendig publikasjonsliste
• attestar og vitnemål.

Faste stillingar: For førsteamanuensis skal utdanningsfagleg kompetanse dokumenterast med ei pedagogisk mappe og ein pedagogisk CV i tråd med Kriterier for utdanningsfaglig basiskompetanse ved ansettelse og opprykk i førsteamanuensis- og professorstilling ved HVL .

Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjaren sjølv laste opp attesterte omsettingar. Om vedlegga overstig 25 MB må dei komprimerast før opplasting eller leggjast ved som lenke.

Søkjarar med utanlandsk utdanning må i tillegg dokumentere at utdanninga samsvarar med norsk bachelor-, master-eller ph.d.-grad. Sjå www.hkdir.no for meir informasjon om vurdering av høgare utdanning.

HK-dir tilbyr automatisk godkjenning for enkelte gradar frå utvalde land. Dersom utdanninga til søkjaren er dekka av ordninga med automatisk godkjenning, vil det vere tilstrekkeleg å leggje ved dokumentasjon på dette. Du kan lese meir om ordninga med automatisk godkjenning her.

Vi gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogeleg når du veit at du vil søkje på stillinga. Dersom du ikkje har fått svar frå HK-dir innan søknadsfristen, legg du ved dokumentasjon frå HK-dir om at dei har motteke søknaden din.

Søknadane vert sendt elektronisk til det sakkunnige utvalet. På bakgrunn av utvalet si vurdering, vil aktuelle søkjarar bli kalla inn til intervju og prøveundervisning. Søknader kan ikkje sendast på e-post til enkeltpersonar ved høgskulen..

Vi tilbyr:

• Gode pensjons-, forsikrings-, og låneordningar i Statens pensjonskasse
• Spennande fagmiljø med moglegheit for kompetanseheving- og utvikling
• Høve for trening i arbeidstida
• Moglegheit for kombinert stilling med annan arbeidsgjevar

Stillinga som førsteamanuensis/førstelektor/høgskulelektor er lønna etter Statens lønnsregulativ, i stillingskode 1011 førsteamanuensis/1198 førstelektor/1008 høgskulelektor til Statens pensjonskasse.

Generell informasjon:

Vi gjer merksam på at i tråd med offentleglova, kan opplysningar om søkjaren bli gjort offentleg sjølv om søkjaren har bede om å ikkje bli oppført på søkjarlista. Søkjaren vil bli varsla dersom førespurnad om unntak for offentleggjering ikkje vert teken til følgje.

Den statlege arbeidsstyrken skal i størst mogleg grad spegle mangfaldet i befolkninga. Det er av den grunn eit personalpolitisk mål å oppnå ei balansert alders- og kjønnssamansetting og å rekruttere personar med minoritetsbakgrunn, nedsett funksjonsevne og hol i CV.

Høgskulen på Vestlandet er underlagt forskrift for eksportkontrollsystem. Forskriften kan komme til bruk i handsaming av søknadane.

Kontaktpersonar ved Høgskulen på Vestlandet:

1) Fagseksjonsleiar Johannes Haltbakk

E-post johannes.haltbakk@hvl.no

Tlf +47 55 58 56 29

2) Instituttleiar Georg Førland

E-post georg.forland@hvl.no

Tlf +47 52 70 26 36

Spørsmål om stillinga

Johannes Haltbakk

Fagseksjonsleiar

+47 55 58 56 29

johannes.haltbakk@hvl.no