Vil du bli del av eit fagleg sterkt miljø i Karriere Vestland?

Vestland fylkeskommune har etablert eininga Karriere Vestland, eit offentleg tilbod om gratis og
profesjonell karriererettleiing i tråd med nasjonale retningsliner.

Karriere Vestland tilbyr karriererettleiing til vaksne over 19 år og karriererettleiing til nykomne flyktningar som kvalifiserer til introduksjonsprogram i kommunar i Vestland fylke. Karriere Vestland arbeider i tråd med Nasjonalt kvalitetsrammeverk for karriererettleiing i Noreg.

Vi er eit kompetansesenter innan karriererettleiing og har samarbeid med mange ulike aktørar.

Karriere Vestland har kontorplass i 6 kommunar: Alver, Bergen, Sogndal, Stad, Stord og Sunnfjord.

Vi søker ein dyktig person for eit engasjement på 12 månader som karriererettleiar. Kontorstad vil vere Førde, men noko reise må påreknast.

Hovudoppgåver:

• Gje individuell karriererettleiing til vaksne over 19 år, ved fysisk oppmøte på lokasjon, på telefon og på video.

Andre oppgåver:

• Karriererettleiing av vaksne flyktningar ein-til-ein og i gruppe. Tenesta vert levert ved fysisk oppmøte i våre lokale, i tillegg til video- og telefonrettleiing til heile fylket.
• Gjennomføre gruppemøter for flyktningar med kollektiv beskytting (hovudsakleg ukrainske flyktningar).
• Kompetansestøtte til kommunane i den vidare oppfølginga av flyktningane og opplæring av tilsette i kommunane.
• Kompetansestøtte til rettleiarar og rådgjevarar i skule, NAV og andre aktørar innan karriererettleiingsfeltet.
• Etablering og deltaking i relevante nettverk og samarbeid med eksterne partar

Kvalifikasjonar:

• relevant universitets-/høgskuleutdanning på masternivå. Søkjarar med utdanning på bachelornivå med relevant erfaring kan vere aktuelle for stillinga, men vil i så fall bli tilsett som spesialkonsulent, og ikkje som rådgjevar.
• erfaring med karriererettleiing
• god digital kompetanse
• personlege eigenskaper vert vektlagd

Det er ein føremon med

• karriererettleiing i grunnutdanning eller i etter- og vidareutdanning
• rettleiingserfaring frå arbeid med minoritetsspråklege, flyktningar eller innvandrarar
• sertifisering innan eit eller fleire karriereverktøy som til dømes InFlow24 og Karriereverktøy
• førarkort klasse B

Vi ser etter deg som:

• har gode samarbeidsevner og evne til å skape tillit
• har gode kommunikasjonsevner og god formidlingsevne
• har stor arbeidskapasitet, er effektiv og strukturert
• er lærevillig, løysingsorientert og fleksibel
• har evne til å arbeide sjølvstendig
• er ein positiv bidragsytar i arbeidsmiljøet
• kan handtere uventa hendingar i eit dynamisk miljø

Vi tilbyr

• Løn etter kvalifikasjonar
• Faglege utfordringar og moglegheit for kompetanseheving
• Stimulerande og innovativt arbeidsmiljø med engasjerte og fagleg dyktige kollegaer
• Gode forsikrings- og pensjonsordningar
• Fleksibel arbeidstid