Lærar - Fellesutlysing

Lærar i Lustraskulen

Luster kommune er ein vidstrakt kommune med til saman ni grunnskular og ei vaksenopplæring.
Me vil gje elevane aktive og varierte skulekvardagar, eit godt læringsutbyte og eit trygt skulemiljø.
No treng me fleire dyktige og inspirerande lærarar som kan vera med og skapa ein framtidsretta skule. Me høyrer gjerne frå deg!

Lustraskulen er aktiv når det gjeld utviklingsarbeid og har lang tradisjon med fagnettverk og samarbeid på tvers av skulane. Nyutdanna lærarar vert følgt opp gjennom eigne samlingar. Større satsingar i Lustraskulen dei seinare åra har dreidd seg om lesing og skriving, inkluderande skulemiljø, relasjonar og psykisk helse. Fleire av skulane har delteke eller deltek i i fagsatsingar gjennom desentralisert kompetanseheving. Lustraskulen har også nyss vore med på to treårige europeiske samarbeidsprosjekt gjennom EU sitt utdannningsprogram Erasmus+ med partnarar frå Irland, Hellas, Kroatia og Portugal.

Luster kan tilby:

• gode kollegaer og inspirerande nærmiljø
• flotte uteareal og tilgang på naturen rett utanfor døra
• faglege utfordringar og gode utviklingsmoglegheiter
• sterk samarbeids- og delingskultur med kommunale og regionale fagnettverk
• god oppfølging av nyutdanna lærarar
• få elevar som kontaktlærar, kommunesnittet er 12 elevar per kontaktlærar
• tett tverretatleg samarbeid
• gode kommunale pensjons- og forsikringsordningar
• ein solid kommuneøkonomi
• ein kommune der det er trygt og godt å bu
• løn etter gjeldande tariff og avtaleverk

Ledige lærarstillingar:

• Gaupne skule: inntil 160 % stilling årsvikariat. Fagønske: basisfag, samfunnsfag og kroppsøving
• Hafslo barne- og ungdomskule: inntil 400 % årsvikariat. Fagønske: engelsk og matematikk ungdomssteg, kunst og handverk, musikk, samfunnsfag, naturfag, kroppsøving (symjing), spesialpedagogikk
• Luster ungdomskule: inntil 100 % fast stilling. Fagønske: norsk, engelsk, KRLE, kroppsøving, framandspråk (spansk eller tysk)
• Solvorn oppvekstsenter: inntil 150 % fast stilling. Fagønske: norsk, engelsk, matematikk, naturfag, musikk, samfunnsfag, kroppsøving
• Veitastrond oppvekstsenter: inntil 60 % fast stilling. Fagønske: engelsk, kunst og handverk
• Skjolden oppvekstsenter: inntil 125 % fast stilling
• Luster oppvekstsenter:
  inntil 180 % fast stilling
  inntil 100 % stilling vikariat 01.08.24-31.12.2024
  inntil 40 % stilling årsvikariat
• Jostedal oppvekstsenter:
  inntil 60 % fast stilling, mogleg å utvida med 20-40 % stilling vikariat ut skuleåret
  inntil 100 % vikariat 01.08.2024-31.12.2024.
• Indre Hafslo oppvekstsenter:
  inntil 80 % fast stilling
  inntil 100 % årsvikariat
• Luster vaksenopplæring: inntil 100 % årsvikariat. Fagønske: norsk som andrespråk

I søknadsskjema kan du velge kva stillingar du vil søkje på.

Av erfaring vil me først ha den totale oversikta over tal stillingar og kvar det er ledige stillingar i løpet av våren. Om det skulle verta behov for fleire stillingar enn det som er utlyst i denne hovudutlysinga, vil me difor kontakta aktuelle søkjarar frå denne søknadsrunden. Denne utlysinga gjeld med andre ord også for andre ledige stillingar som kan koma til frametter våren. Du kan såleis få tilbod om ei stilling som ikkje er annonsert gjennom hovudutlysinga.

Kvalifikasjonar

Formelle krav til tilsetjings- og undervisningskompetanse finst i forskrift til opplæringslova. I tillegg vert følgjande kvalifikasjonar vektlagt:

• for stillingar i barneskulen er det ein fordel med GLU 1.-7. trinn
• fagleg fordjuping i eitt eller fleire basisfag
• undervisningserfaring frå barne- eller ungdomsskule er ønskeleg
• erfaring med elevaktiv didaktikk og god digital kompetanse
• gode skriftlege og munnlege ferdigheiter. I Lustraskulen er nynorsk undervisningsspråk

Arbeidsoppgåver

• planlegging, leiing og oppfølging av elevane si læring
• aktiv deltaking i skulen sitt profesjonsfellesskap og utviklingsarbeid
• skapa eit trygt og godt skulemiljø
• loggføring og samarbeid på skulen sine digitale plattformar
• samhandling med andre faginstansar

Personlege eigenskapar

• positiv, inkluderande og glad i nye utfordringar
• tydeleg og trygg klasseleiing
• evne til å skapa gode relasjonar med elevar, føresette og kollegaer
• fleksibel og løysingsorientert i ein hektisk kvardag
• evne og vilje til samarbeid og kommunikasjon
• evne til sjølvstendig arbeid og til å ta ansvar

Andre opplysningar

• Søkjarar må kunne leggje fram politiattest
• Administrasjonsmålet i kommunen er nynorsk
• Alle faste nytilsetjingar vert gjort med ei prøvetid på 6 månader
• Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort
• Søknadar må leverast innan fristen og må sendast inn via rekrutteringssystemet vårt EasyCruit

Kontaktinformasjon:

• Hafslo barne- og ungdomsskule: Hilde Holte Selland: hilde.holte.selland@luster.kommune.no, 57 68 58 22 / 911 78 041
• Gaupne skule: Linda Øvregard Røhme: linda.ovregard.rohme@luster.kommune.no, 57 68 57 42 / 402 28 586
• Luster ungdomsskule: Knut Hauge: knut.hauge@luster.kommune.no, 57 68 57 60 / 906 97 026
• Luster oppvekstsenter: Eli Merete Hansen Moen: eli.merete.hansen.moen@luster.kommune.no, 57 68 59 20 / 959 93 505
• Solvorn oppvekstsenter: Grete Marie Skårhaug Solvi: grete.marie.skarhaug.solvi@luster.kommune.no, 57 68 58 40 / 900 37 684
• Indre Hafslo oppvekstsenter: Elling Bjarneson Venjum: elling.bjarneson.venjum@luster.kommune.no, 57 68 59 70 / 452 73 972
• Jostedal oppvekstsenter: Mette F. Reinertsen: mette.frydenberg.reinertsen@luster.kommune.no, 57 68 59 90 / 917 15 162
• Skjolden oppvekstsenter: Knut Åge Teigen: knut.age.teigen@luster.kommune.no, 951 47 914
• Veitastrond oppvekstsenter: Elisabeth Alme: elisabeth.alme@luster.kommune.no, 993 60 226
• Luster vaksenopplæring: Linda Brunborg: linda.brunborg@luster.kommune.no, 474 47 113