Ledige stillingar i kommunale barnehagar

Om stillinga

Gloppen kommune har tre kommunale barnehagar. Alle barnehagane i Gloppen jobbar med kvalitet og leiing /resultatleiing. Administrasjonsmålet er nynorsk. Det er låg arbeidsløyse i kommunen og både næringsliv og kommunen har trong for kompetente medarbeidarar på nær sagt alle kompetansenivå. Besøk kommunen si nettside for informasjon om kommunen og kva vi har å by på.

Vi lyser ut stillingar som vert ledige for komande barnehageår, både faste og mellombelse stillingar. Det er behov for barnehagelærarar og fagarbeidarar. Dersom ingen med fagbrev søkjer vert assistent vurdert. Søkjarar vert oppmoda om å prioritere arbeidsstad i søknaden.

Arbeidsoppgåver

Barnehagelærar skal ha ansvar for planlegging, gjennomføring og evaluering av pedagogisk arbeid. Fagarbeidar skal aktivt medverke og støtte opp om dette arbeidet ut på avdeling.Den tilsette må jobbe i tråd med resultatleiing og den beste praksis som er definert. Alle tilsette skal jobbe i tråd med rammeplanen og årsplan for barnehagen.
Mona barnehage: Barnehage med 6 avdelingar på Sandane.
Satsingsområde er språk og friskliv.
Meir informasjon om barnehagen: https://mona.barnehage.gloppen.no/

Breim barnehage: Barnehage med 5 avdelingar på Reed.
Satsingsområda til barnehagen er Språk og inkluderande læringsmiljø.
Meir informasjon om barnehagen: http://breimbarnehage.no/

Hyen skule og barnehage: Barnehagen har 1 avdeling og har felles administrasjon med skulen.
Meir informasjon om barnehagen: http://www.hyen.skule.no/

Kvalifikasjonskrav

• Godkjent pedagogisk utdanning for arbeid i barnehage (Barnehagelærar)
• Godkjent fagbrev som barne-og ungdomsarbeidar (Fagarbeidar)
• Digital kompetanse
• Migrasjonskompetanse/spesialpedagogisk kompetanse
• Kan nytte nynorsk som skriftspråk og snakke godt norsk
• Evne til å jobbe både sjølvstendig og i team
• Struktur og tydeleg leiing av barnegruppe
• Fokus/kompetanse på språkutvikling, livsmeistring og Circle of security (COS).
• Erfaring eller kompetanse innan rettleiing (barnehagelærar)
• Erfaring eller interesse for estetiske fag

Om deg

Vi søkjer etter engasjerte medarbeidarar som er positivt innstilt til endringsarbeid. Vedkommande må vere reflekterte kring fagleg utvikling. Våre nye medarbeidarar må vere ansvarsbevisste, ha evne til samarbeid og kunne jobbe både sjølvstendig og i team. Dei må ha fokus på samspel og relasjon og det å vere ein del av kontinuiteten på avdelinga. Vedkommande må vere strukturert og ha tydeleg gruppeleiing. Erfaring i forhold til satsingsområda til den einskilde barnehage vil telje positivt.

Personlige eigenskapar vert tillagt stor vekt i den samla kvalifikasjonsvurderinga.
Vert søkjarane vurdert likestilt vert menn føretrekt.

Vi tilbyr

• Løn etter tariff i samsvar med godkjend utdanning og praksis.
• Barnehagar med fokus på fag og utvikling.
• Godt arbeidsmiljø
• Tilsetjing på vanlege kommunale vilkår.