Prodekan for utdanning

Høgskulen på Vestlandet (HVL) er ein av dei største høgskulane i landet, med om lag 1 900 tilsette og 17 500 studentar fordelte på fem campus i Førde, Sogndal, Bergen, Stord og Haugesund.

Vi har sterke og innovative fagmiljø innan helse- og sosialvitskap, ingeniør- og naturvitskap, økonomi, samfunnsvitskap og maritime studier, og lærarutdanning, kultur og idrett. HVL tilbyr bachelor-, master- og doktorgradsutdanningar og ulike årsstudium.

HVL er tett på arbeidslivet, regionen og studentane, og har mål om å bli eit universitet med profesjons- og arbeidslivsretta profil.

Fakultet for lærarutdanning, kultur og idrett har fire institutt med tilsette i Bergen, Sogndal og på Stord. Fakultetet er ein av dei største lærarutdanningsinstitusjonane i landet med rundt 6 600 studentar og 550 tilsette, og tilbyr barnehagelærarutdanning, grunnskulelærarutdanning for 1.-7. og 5.-10. trinn, praktisk-pedagogisk utdanning, bachelorutdanningar, masterutdanningar og Ph.d.-program. Fakultetet har eit omfattande etter- og vidareutdanningstilbod. Forskingsaktiviteten ved fakultetet blir organisert i forskingsprogram og forskargrupper.

Høgskulen på Vestlandet, Fakultet for lærarutdanning, kultur og idrett har ledig åremålsstilling som prodekan for utdanning.

Fakultet for lærarutdanning, kultur og idrett søkjer prodekan for utdanning i fireårig åremålsstilling, med tiltreding 01.01.2024.

Fakultetet har 3 prodekanar. Prodekan for utdanning har eit overordna ansvar for utvikling av fakultetet sitt utdanningstilbod og utvikling som bidreg til livslang læring. Prodekan har vidare eit overordna ansvar for fakultetet sitt systematiske arbeid med vidareutvikling av utdanningskvalitet og læringsmiljø.

Sentralt for prodekan for utdanning er å støtte institutta i arbeidet med vidareutvikling av studietilbodet og utdanningskvaliteten og å bidra til etablering og vidareutvikling av relasjonar regionalt og nasjonalt innan eininga sine fagområde.

I eininga til prodekan for utdanning inngår seks studieprogramleiarar, ein studieadministrativ leiar og 24-28 administrative stillingar.

Det er venta at prodekan samarbeider tett med institutta og med dei øvrige prodekanane i fakultetet.

Som ansvarleg for effektiv utnytting av eininga sine ressursar, skal prodekan sjå til at dette skjer i samsvar med høgskulens mål, departementet sine rammer, tildelt budsjett og styret sine strategiske føringar.

Prodekanen har òg ansvar for at forvaltingsoppgåvene vert ivaretekne med god kvalitet og at oppgåveløysinga er i samsvar med god forvaltingspraksis.

Den som vert tilsett må rekne med ein del reiseverksemd mellom campusane.

Arbeidsstad er campus Bergen, Sogndal eller Stord.

Ansvars- og arbeidsoppgåver:

• Posisjonere fakultetet som ein attraktiv utdanningsinstitusjon kjend for kvalitet i utdanning og godt læringsmiljø
• Ansvar for at tenestene vert utførte i samsvar med gjeldande reglar og retningslinjer for god forvalting
• Overordna ansvar for fagleg kvalitet i fakultetets utdanningsprogram
• Leie arbeidet med å tilpasse fakultetets sine utdanningsprogram til samfunnets behov og ha eit overordna ansvar for å utvikle utdanningstilbod på bachelor- og masternivå
• Overordna ansvar for at studentane sitt læringsmiljø er fullt ut tilfredsstillande
• Legge til rette for internasjonalisering, digitalisering og nyskaping i utdanningane
• Ansvar for praksisgjennomføringa i fakultetet
• Bidra til at HVL rekrutterer best mogeleg kvalifiserte studentar
• Vidareutvikle kontaktflatene til dei ulike aktørane i regionen
• Delta i nasjonale fora som er relevante for stillinga
• Ansvarleg for at eininga sine økonomiske rammer vert haldne, og sikre god og formålstenleg bruk av eininga sine ressursar
• Ivareta personal- og HMS-ansvar for eininga sine tilsette
• Prodekan kan få ansvars-/arbeidsoppgåver ut over det som står i utlysinga

Mynde

Mynde i stillinga er delegert frå dekan, og prodekan rapporterer til dekan. Prodekan inngår i fakultetet si leiargruppe og har medansvar for utvikling av fakultetet i samsvar med høgskulen sin strategi, målsetjingar og verdigrunnlag.

Formell utdanning og kompetanse

• Relevant høgare utdanning og høg vitskapleg kompetanse, helst på førstestillingsnivå
• Dokumentert kompetanse og erfaring innanfor stillinga sitt ansvarsområde
• Leiarerfaring, dokumenterte resultat frå fagleg leiarstilling og resultat frå strategi- og endringsarbeid blir vektlagt.

Generelle kompetansekrav

• God forståing for høgskulen sitt samfunnsoppdrag
• Forståing for verdien av kontinuerleg arbeid med likestilling og mangfald i utdanningane og i rekrutteringa av studentar og tilsette
• God pedagogisk kompetanse, m.a. god forståing for kunnskapsformidling og læreprosessar
• Erfaring frå, og solid kunnskap om, universitets- og høgskulesektoren
• Erfaring frå og kjennskap til dei profesjonane og praksisfelta som fakultetet femnar om er ein føremon
• Erfaring med å utvikle og vedlikehalde relasjonar til ulike aktørar regionalt, nasjonalt og internasjonalt
• God forståing for moglegheitene i digitale løysingar
• God munnleg og skriftleg framstillingsevne i norsk og engelsk.

Personlege eigenskapar

• Gode leiareigenskapar og ein motiverande og inkluderande leiarstil med vekt på samarbeid og medverknad
• Evne til strategisk heilskapleg perspektiv
• Gode evner til kommunikasjon, samhandling og til å bygge tillit og relasjonar internt og eksternt
• Gjennomføringsevne og resultatorientering
• Løysings- og utviklingsorientering
• Stort engasjement for å nå høgskulen sine ambisjonar.

Vi tilbyr:

• Gode pensjons-, forsikrings-, og låneordningar i Statens pensjonskasse
• Spennande fagmiljø med moglegheit for kompetanseheving - og utvikling
• Høve for trening i arbeidstida

Stillinga som prodekan er lønt etter Statens lønsregulativ, i stillingskode 1474.

Frå løna vil det bli trekt 2 % innskot til Statens pensjonskasse.

Korleis søke på stillinga?

Send søknad og CV via jobbnorge.no (IDsøk 242021)

Det er søkjar sitt ansvar å sørge for at alle relevante vedlegg er lagt inn innan fristen, som attestar og vitnemål. Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv laste opp attesterte omsettingar. Dersom vedlegga er større enn 15 MB må dei komprimerast før opplasting eller leggast ved som lenkje.

Søknader kan ikkje sendast på e-post til enkeltpersonar ved høgskulen.

Generell informasjon:

Vi gjer merksam på at jfr. ny offentlegheitslov kan opplysningar om søkjaren bli offentliggjort sjølv om søkjaren har bedt om ikkje å bli oppført på søkjarlista. Søkjaren vil bli varsla dersom ynskjet ikkje vert teke til følgje.

Det kan bli endringar i stillinga sitt ansvarsområde og plass i organisasjonen.

Den statlige arbeidsstyrken skal i størst mogleg grad spegle mangfaldet i befolkninga. Det er difor eit personalpolitisk mål å oppnå ein balansert alders- og kjønnssamansetning og rekruttere personar med minoritetsbakgrunn, nedsett funksjonsevne og hol i CV.

Samspel, berekraft og nyskaping skal kjenneteikne alt vi gjer. Vi skal bli eit universitet med ein tydeleg profesjons- og arbeidslivsretta profil.

Les meir på våre heimesider. http://www.hvl.no/