Sommarjobb i Helse- og omsorg

Fjaler kommune treng vikarar til Helse- og omsorg sommaren 2024 i perioden 01. juni - 31. august, og vi søkjer etter deg. Vi tilset fortløpande så det er ingen grunn til å vente med å søke.

Vi har ledig ferievikariat ved følgande einingar:

• Fjaler sjukeheim

• Heimetenesta med brukarar i heile kommunen

• Miljøarbeid for menneske med utviklingshemming

• BPA

• Kjøkkenet ved Fjaler sjukeheim

Dersom dette er interessant for deg, kan du gjere følgjande:

• Set opp ønskje for den eller dei einingane du helst vil arbeide ved i sommar

• Set opp kva periode du kan jobbe i

• Dersom du ønskjer ferie i løpet av sommaren er det flott om du presiserar tidsrom i søknaden.

Søkjarar som kan vikariere i heile ferieperioden kan bli prioriterte. 

Arbeidsoppgåver

• Oppgåvene er varierande alt etter kvar du arbeidar. Døme på oppgåver er pleie, omsorg, miljøarbeid og psykososialt arbeid ved institusjon og helsetenester i heimen. Det er og dagsenter, kjøkkenoppgåver og praktisk bistand.

• Felles for alle sommarvikar er fokus på gode tenester til brukarar og pasientar.

Kvalifikasjonar

• Alle søkjarar må ha fylt 16 år.

• Det er ein fordel om du har fullført, eller er under utdanning innan helse- og sosialfaglege yrke som t.d. sjukepleiar/vernepleiar/sosionom/helsefagarbeidar etc.

• For arbeid på kjøkkenet er det ein fordel om du har fullført, eller er under utdanning innan kokkefaget.

• Søkjarar til arbeid i heimetenesta må ha førarkort klasse B.

• Alle sommarvikarar må levere politiattest og få godkjend MRSA- og tuberkulinerklæring før tiltreding.

• Søkjarar må kunne kommunisere godt på norsk.

Personlege eigenskapar

• Interesse for å arbeide med menneske

• Vere fleksibel

• Evne til samarbeid

Vi tilbyr

• Løn etter tariff og lokale avtalar, der høgskulestudentar (innan helse- og sosialfag) vert løna ut frå studieforløp

• Bonusordning for alle over 18 år som jobbar minimum 4 veker. Ekstra bonus pr veke etter det.

• Eigen bonusordning for dei som er under høgskuleutdanning innan helse- og sosialfaglege yrke og helsefagarbeidarar som har fullført minimum to års skulegang.

• Pensjonsopptening i KLP

• Godt arbeidsmiljø med trivelege kollegaer
  
  

Vi gjer merksam på at søkjarliste med namn, kjønn, alder og noverande stilling i utgangspunktet er offentleg. Dersom det ikkje er særlege grunnar for å unnta offentleggjering, vil søkjaren bli kontakta og få høve til å trekke søknaden sin før søkjarliste blir gjort offentleg.