Utvikle dine leiareigenskapar som trainee hos Fjord1!

Går du med tankar om å bli leiar ein gong? Vi ynskjer å bidra til di leiarutvikling! I vår driftsorganisasjon sit du midt i hjartet av Fjord1, og får ein unik moglegheit til erfaring i ei leiande rolle i eit framtidsretta selskap.

Dette tilbyr vi deg som trainee:

• Ein unik start på karrieren
• Moglegheit til å delta i prosjektarbeid på tvers av fagområde
• Moglegheit til å ta ansvar og vere med å påverke utviklinga i selskapet
• Tett og god oppfølging både fagleg og personleg
• Du blir del av eit inkluderande arbeidsmiljø, og ein aktiv gjeng som samlast for kjekke aktivitetar også på fritida
• Vaflar og quiz kvar fredag!
• Moglegheit for vidare karriere i Fjord1

Slik vil du jobbe

Våre operative leiarar har, saman med bemanningskoordinator, teknisk inspektør og skipsførar, ansvaret for å drifte fartøysporteføljer på best mogleg måte. I denne stillinga vil du få følgje våre leiarar og delta i mange ulike oppgåver, slik som budsjettering, HMS, bemanning, rekruttering, rapportering, diverse møter, presentasjonar, dagleg drift, personaloppfølging og utvikling av vårt styringssystem.

I Fjord1 skal vi arbeide planmessig og strukturert, men innafor drift må ein også trivast med ad-hoc prega oppgåver. Du må like at det er litt action i kvardagen, og ha evne til å snu deg rundt. Reiser til spennande prosjekt og fartøy må også påreknast.

Blir du vår neste kollega? Vi ynskjer å vere opne for kva kompetanse som finst i marknaden, og vil tilpasse stillinga til den rette kandidaten.

Kven håpar vi at du er?

• Du har utdanning innan organisasjon og leiing, økonomi eller anna relevant fagområde
• Du har eit ønske om å utvikle leiareigenskapar og kunne motivere og engasjere andre
• Du er nysgjerrig og tør å stille spørsmål ved etablert praksis
• Du tek fatt på nye oppgåver med motivasjon, engasjement og pågangsmot
• Du er strukturert og ryddig og er ein pådrivar for forbetringar
• Du har gode kommunikasjonsevner og er god på å bygge og bevare relasjonar

Lurer du framleis på kvifor du skal søkje på stillinga?

Du blir del av eit team som er bygd på kjerneverdiane godt humør, open og ærleg, påliteleg, lønsemd, samhandling og stoltheit. Vi trur på den positive effekten av godt humør. I Fjord1 skapar vi ein arbeidskultur der smil og entusiasme trivast.

Vi set stor pris på open kommunikasjon og ærlege tilbakemeldingar, dette skapar tillit både internt og eksternt. Vi er opptekne av å dele tankar og idear fritt. Vi tar pålitelegheit på alvor og drivast av å levere kvalitet i alt vi gjer.

For å lukkast må vi ha smarte strategiar, god lønnsemd og effektiv drift slik at vi skapar rom for vekst og utvikling. Teamarbeid er avgjerande for vår suksess, og vi samarbeidar på tvers av avdelingar og fagområde. I Fjord1 er vi stolte av arbeidet vårt og den betydinga vi har i samfunnet og det grøne skiftet.

Om oss:

Fjord1 er verdsleiande pioner innan det grøne skiftet, og vi skal vere den sikraste og mest attraktive leverandøren av miljøvenleg ferje- og hurtigbåttransport i marknaden. Fjord1 har dei siste åra bygd og sett i drift nær 40 høgteknologiske el-ferjer som svara på moderne klimakrav med lågutslepp. Fjord1 har gjennom dette arbeidet blitt verdsleiande i ferjebransjen og står heilt i teten for elektrifisering av dei norske fjordane. Viste du også at Fjord1 skal starte opp med autonome ferjer på sambandet Lavik-Oppedal? Det betyr at vi skal være med på å utvikle ny teknologi til heilautonome ferjer.

Som Framtidsfylket Trainee får du:

• Eitt år med arbeidserfaring og personleg utvikling
• Eit nettverk med traineear i andre bedrifter i Vestland fylke
• Turar og samlingar i arbeidstida
• Eigen mentor i bedrifta som følger deg opp
• Innsyn i eit mangfaldig næringsliv
• Studietur til utlandet
• Sjansen til å gjere ein større forskjell
• Ein draumestart på karriera
• Vestlandet 💚

Felles krav til alle som søker stilling som Framtidsfylket-trainee:

• Minimum bachelor, master eller fagskuleutdanning
• Maksimalt tre års arbeidserfaring etter studium
• Du må forstå og kommunisere på norsk. Sjå elles arbeidsgjevar sine krav for språkkunnskap.

Du vil jobbe som trainee hos oss i eitt år – frå august 2024 til august 2025.