Klar for å starte økonomikarrieren i Fjord1?

Som trainee i Fjord1 vil du få eit år med spennande oppgåver og moglegheit til å utfordre både deg sjølv og oss.

Dette tilbyr vi deg som trainee:

• Ein unik start på karrieren
• Moglegheit til å delta i prosjektarbeid på tvers av fagområde
• Moglegheit til å ta ansvar og vere med å påverke utviklinga i selskapet
• Tett og god oppfølging både fagleg og personleg
• Du blir del av eit inkluderande arbeidsmiljø, og ein aktiv gjeng som samlast for kjekke aktivitetar også på fritida
• Vaflar og quiz kvar fredag!
• Moglegheit for vidare karriere i Fjord1

Er du vår neste økonomitrainee?

«Traineeåret ga meg sjansen til å prøve ulike områder innan fagfeltet mitt. Eg fekk arbeide på tvers av organisasjonen, og eg fekk tidleg ansvar. Det var både utfordrande og lærerikt, og eg lærte mykje om kva eg trivst å jobbe med. Kompetansen som eg tileigna meg i traineeåret ga meg kunnskap og erfaringar som eg har hatt god nytte av i mi vidare karriere.»

Det seier Eirin Kleiven, tidlegare trainee i Fjord1 og i dag tilsett som controller. Ho blir ein av dine kollegaer på økonomiavdelinga som er sett saman av fagområda rekneskap, finans og løn – totalt om lag 20 dyktige personar med høg fagkompetanse. Vi har ei god blanding av både kjønn, alder, fagkompetanse og selskapsansiennitet i avdelinga. I tillegg er vi ein sosial og imøtekommande gjeng med eit godt samhald og arbeidsmiljø.

Blir du vår neste kollega? Vi ynskjer å vere opne for kva kompetanse som finst i marknaden, og vil tilpasse stillinga til den rette kandidaten.

Kven håpar vi at du er?

• Du er utdanna innan økonomi, finans, rekneskap eller anna relevant fagområde
• Du er løysingsorientert og nysgjerrig
• Du tek fatt på nye oppgåver med motivasjon, engasjement og pågangsmot
• Du er strukturert og ryddig og er ein pådrivar for forbetringar
• Du har gode kommunikasjonsevner og er god på å bygge og bevare relasjonar
• Du tør å stille spørsmål og utfordre etablerte praksisar

Lurer du framleis på kvifor du skal søkje på stillinga?

Du blir del av eit team som er bygd på kjerneverdiane godt humør, open og ærleg, påliteleg, lønsemd, samhandling og stoltheit. Vi trur på den positive effekten av godt humør. I Fjord1 skapar vi ein arbeidskultur der smil og entusiasme trivast.

Vi setter stor pris på open kommunikasjon og ærlege tilbakemeldingar, dette skapar tillit både internt og eksternt. Vi er opptekne av å dele tankar og idear fritt. Vi tar pålitelegheit på alvor og drivast av å levere kvalitet i alt vi gjer.

For å lukkast må vi ha smarte strategiar, god lønnsemd og effektiv drift slik at vi skapar rom for vekst og utvikling. Teamarbeid er avgjerande for vår suksess, og vi samarbeidar på tvers av avdelingar og fagområde. I Fjord1 er vi stolte av arbeidet vårt og den betydinga vi har i samfunnet og det grøne skiftet.

Om oss:

Fjord1 er verdsleiande pioner innan det grøne skiftet, og vi skal vere den sikraste og mest attraktive leverandøren av miljøvenleg ferje- og hurtigbåttransport i marknaden. Fjord1 har dei siste åra bygd og sett i drift nær 40 høgteknologiske el-ferjer som svara på moderne klimakrav med lågutslepp. Fjord1 har gjennom dette arbeidet blitt verdsleiande i ferjebransjen og står heilt i teten for elektrifisering av dei norske fjordane. Viste du også at Fjord1 skal starte opp med autonome ferjer på sambandet Lavik-Oppedal? Det betyr at vi skal være med på å utvikle ny teknologi til heilautonome ferjer.

Som Framtidsfylket Trainee får du:

• Eitt år med arbeidserfaring og personleg utvikling
• Eit nettverk med traineear i andre bedrifter i Vestland fylke
• Turar og samlingar i arbeidstida
• Eigen mentor i bedrifta som følger deg opp
• Innsyn i eit mangfaldig næringsliv
• Studietur til utlandet
• Sjansen til å gjere ein større forskjell
• Ein draumestart på karriera
• Vestlandet 💚

Felles krav til alle som søker stilling som Framtidsfylket-trainee:

• Minimum bachelor, master eller fagskuleutdanning
• Maksimalt tre års arbeidserfaring etter studium
• Du må forstå og kommunisere på norsk. Sjå elles arbeidsgjevar sine krav for språkkunnskap.

Du vil jobbe som trainee hos oss i eitt år – frå august 2024 til august 2025.