Sogn og Fjordane Energi søker trainee: Prosjektingeniør

Vil du bli ein del av fornybarlaget?

I Sogn og Fjordane Energi (SFE) jobbar vi kvar dag med å lage straum ut i frå naturkreftene våre – og utvikle nye fornybarprosjekt på lag med naturen. Det er samfunnsoppgåva vår. Det er nemleg sånn at vi i Noreg – og i heile verda – er avhengige av meir fornybar energi om vi skal nå klimamåla. Som energiselskap er vi eit viktig verktøy i dette arbeidet.

Vi jobbar no med å planlegge bygging av eit heilt nytt vasskraftverk. Vi har og fleire andre spennande prosjekt på gang som vi gler oss til å ta fatt på – og vi ønskjer deg som trainee velkomen med på laget! Hos oss vil du vil jobbe i lag med 100 dyktige kollegaer med ulik fagkompetanse. Dei fleste jobbar ved hovudkontoret vårt i Gloppen, men vi har og arbeidslag og kontor i Bremanger og Sogn. Nokon dagar vil du jobbe med planlegging på kontoret, medan du andre dagar har arbeidsbuksa på og jobbar ute i anlegga våre med å følge opp prosjekt. Godt arbeidsmiljø trur vi du vil oppleve alle plassar.

Kven er du?

Du er i starten av karriera og har bachelor- eller mastergrad innan bygg, maskin eller elektro. Du er svært oppteken av HMS og du ønskjer ein jobb med meining. Vi gler oss til å høyre meir om deg!

Som Framtidsfylket Trainee får du:

• Eitt år med arbeidserfaring og personleg utvikling
• Eit nettverk med traineear i andre bedrifter i Vestland fylke
• Turar og samlingar i arbeidstida
• Eigen mentor i bedrifta som følger deg opp
• Innsyn i eit mangfaldig næringsliv
• Studietur til utlandet
• Sjansen til å gjere ein større forskjell
• Ein draumestart på karriera
• Vestlandet 💚

Felles krav til alle som søker stilling som Framtidsfylket-trainee:

• Minimum bachelor, master eller fagskuleutdanning
• Maksimalt tre års arbeidserfaring etter studium
• Du må forstå og kommunisere på norsk. Sjå elles arbeidsgjevar sine krav for språkkunnskap.

Du vil jobbe som trainee hos oss i eitt år – frå august 2024 til august 2025.