Landbruksavdelinga vår søkjer nyutdanna jurist

Har du master i rettsvitskap og interesse for landbruk, natur og miljø? Vi har ledig trainee-stilling ved kontoret vårt i Førde. Landbruksavdelinga vert leia frå Førde og har 32 tilsette, hovudsakleg i Førde og Bergen. Dei fleste i avdelinga har naturvitskapleg bakgrunn, men du finn og økonomar, statsvitarar og juristar. Statsforvaltaren har til saman seks fagavdelingar med ei brei oppgåveportefølje.

Arbeidsoppgåver

Vi skal vere eit kompetansesenter for kommunane på landbruksområdet, og som trainee hos oss vil du mellom anna få erfaring som sakshandsamar innan offentleg forvaltning på områda:

• landbrukslovgjeving inkludert m.a. jordlov, skogbrukslov og konsesjonslov
• natur- og miljøIovgjeving og plan- og bygningslov
• forvaltningslov og offentleglov
• tilskotsforvaltning innan sektoren
• informasjonsarbeid til kommunane

Kvalifikasjonar

• Cand. jur. eller norsk master i rettsvitskap
• Interesse for offentleg forvaltning
• God munnleg og skriftleg formidlingsevne på både nynorsk og bokmål

Personlege eigenskapar

• Gode samarbeidsevner med kollegaer og eksterne aktørar
• Evne til å arbeide sjølvstendig

Som Framtidsfylket-trainee hos Statsforvaltaren får du

• interessante arbeidsoppgåver
• jobb i eit kompetent og tverrfagleg arbeidsmiljø
• ein arbeidsplass i utvikling
• trening i arbeidstida
• delvis heimekontor
• fleksibel arbeidstid

Å starte arbeidslivet som trainee gir ein mjuk overgang frå studieliv til arbeidsliv. Gjennom traineeprogrammet får du oppfølging frå eigen mentor og du får eit nettverk med andre traineear. Fire gonger i året reiser du på traineesamling for fagleg påfyll og personleg utvikling.

Felles krav til alle som søkjer stilling som Framtidsfylket-trainee:

• Minimum bachelorgrad, mastergrad eller fagskuleutdanning
• Maksimalt tre års arbeidserfaring etter studium
• Du må forstå og kommunisere på norsk

Du vil jobbe som trainee hos oss i eitt år – frå august 2025 til august 2026.