Trainee innan økonomi og administrasjon – Di karriere startar her!

Er du nyutdanna innan økonomi-faget? Som økonomi trainee i Tecno VVS får du sjansen til å utvikle deg fagleg og bidra til å styrke vår økonomifunksjon. Me ser etter deg som vil utfordre deg sjølv, og samtidig lære om ein bransje i rask utvikling!

Oppgåver som utfordrar og utviklar

Som trainee hjå oss, vil du få prøve deg innanfor fleire område av økonomi-faget.

Du vil få erfaring med oppgåver som:

• Fakturamottak, bokføring og bankavstemming.
• Likviditetsstyring og oppfølging av kundar og leverandørar.
• Utarbeiding av økonomirapportar til leiinga og styret.
• Lønnsarbeid, budsjettering og offentleg rapportering.
• Perioderapportering og planlegging av årsavslutning.

Som trainee får du jobbe tett med vår økonomiansvarlege Åshild Klyve, som har mange års erfaring som controller. Ho deler gjerne sine erfaringar, og saman med resten av administrasjonen er ho klar for å hjelpe deg med å lykkast.

Eit team med stor takhøgde

Arbeidsmiljøet vårt er fagleg sterkt, sosialt og ikkje minst inkluderande. Her er det låg terskel for å dele idear, og alle får høve til å vekse i jobben sin.

Du kan forvente:

• Variasjon i arbeidsoppgåvene, frå rutineoppgåver til større prosjekt som du sjølv kan påverke.
• Høve til å forme eigen arbeidskvardag, med plass til både sjølvstendig arbeid og tett samarbeid.

Med gode og støttande kollegaer med mykje god(?) humor, får du eit arbeidsmiljø som ikkje berre er lærerikt men også trygt.

Er dette deg?

Er du typen som alltid lurer på korleis ting heng saman, og som likar å grave litt djupare for å finne dei beste løysingane? Kanskje har du eit godt blikk for detaljar, men også evna til å sjå det store biletet? Me ser etter deg som er nysgjerrig og lærevillig, og som ikkje er redd for å stille spørsmål. Du jobbar strukturert og held hovudet kaldt, sjølv når det er mykje som skjer samtidig. Kanskje kan du ikkje alt enno, men det gjer ingenting – me er med deg heile vegen, frå nyutdanna til trygg i rolla!

Kvifor velje oss?

Me gjev deg:

• Sjansen til å verkeleg lære om økonomistyring i praksis.
• Fagleg støtte frå dyktige kollegaer
• Ei bratt læringskurve som kan skyte fart på karrieren din.
• Eit trygt og hyggeleg arbeidsmiljø der du får vere deg sjølv.

Vil du utvikle deg som økonom og få innsyn i ein spennande bransje? Send oss ein søknad!

Arbeidsstad: Norheimsund

Denne stillinga er ein del av Framtidsfylket sitt traineeprogram

Å starte arbeidslivet som trainee i Framtidsfylket Vestland gjev ein smooth overgang frå studieliv til arbeidsliv. Gjennom traineeprogrammet får du oppfølging frå eigen mentor og vil oppleve eit støttande fellesskap med andre traineear. Fire gonger i året reiser du på traineesamling for å få fagleg påfyll, personleg utvikling og møte andre traineear. I løpet av året vil du utvide både ditt profesjonelle og personlege nettverk og oppleve vakre Vestland.

Felles krav til alle som søker stilling som Framtidsfylket-trainee:

• Minimum bachelor-, master- eller fagskuleutdanning
• Maksimalt tre års arbeidserfaring etter studium
• Krav til norskkunnskap: B1

Du vil jobbe som trainee i eitt år – frå august til august.