Har du lyst til å bidra til å nedkjempe økonomisk kriminalitet? Er du analytisk og brenn for gode prosessar? Som eit ledd i å styrke vår satsing i dette arbeidet ser vi no etter konsulent økonomisk kriminalitet.

Om stillinga

Stillinga vil bli tilpassa til aktuell søkar. Du vil vere ein del av avdelinga for økonomisk kriminalitet, som høyrer til under avdeling for Forretningsstøtte. Denne stillinga vil arbeide tett i samspel med kundesenter, privatmarknad og bedriftsmarknad, samt banken sine andre fagavdelingar. Stillinga vil ha hovudfokus på å førebyggje, avdekke, og avgrense svindel.

Svindelmetodar endrar seg stadig og blir meir komplekse. Vi ser etter deg som evnar å sjå, forstå og analyser ulike indikatorar innan svindel. Vi ser etter deg som har interesse for og erfaring frå arbeid med nedkjemping av økonomisk kriminalitet og svindel. Du er utviklings- og løysingsorientert og du trivast med å løyse komplekse problemstillingar i lag med eit kompetent team.

Eigenskapar og kompetanse

• Høgare akademisk utdanning
• Erfaring fra bank/finans, kriminaletterforskning eller tilsynsmyndigheit. Anna relevant erfaring kan også vere aktuelt
• Strukturert, sterk drivkraft og god gjennomføringsevne
• Evne til å kommunisere godt og tydeleg, både på norsk og engelsk

Arbeidsstad: Førde, fleksibel heimekontorløysing

Som arbeidsgjevar tek vi godt vare på våre tilsette. Noko av det vi kan tilby er fleksibel arbeidstid, hybrid kontorløysing, redusert arbeidstid frå mai til august, medeigarskap i bedrifta gjennom tildeling av eigenkapitalbevis, gode pensjons- og forsikringsordningar og ei spennande stilling med moglegheit for personleg utvikling i ein innovativ og framtidsretta bank. Hos oss får du eit triveleg arbeidsmiljø med kompetente kollegaer som vil ta godt i mot deg. Her er det korte vegar til avgjerdsler, vi hjelper kvarandre med å lukkast og det er rom for å vere seg sjølv.

Dersom dette høyrest interessant ut, eller du har spørsmål til stillinga, ta kontakt med fagansvarleg HR, Lillian Loen, tlf. 905 70 484. Vi gler oss til å høyre frå deg!