Spørjeundersøking om sommarjobb

Vi i Framtidsfylket har utforma to spørjeundersøkingar som skal bidra til å forstå erfaringar og moglegheiter med sommarjobb:

Er du sommarvikar?

Er du arbeidsgivar som har tilsett sommarvikar i år?

Vi oppfordrar deg som er arbeidsgivar og har tilsett sommarvikar i år til å ta undersøkinga, samt å dele den med sommarvikarane som jobbar hos deg. Vi set stor pris på at du tar deg tid.

Kunnskapen vi får ut av dette vil komme begge partar til gode i form av betre tilrettelegging i framtida.

Om undersøkinga

Spørjeundersøkingane er utarbeida av Framtidsfylket Vestland på vegne av NHO Vestland, NAV og Vestland fylkeskommune.

Formålet med spørjeundersøkingane er å kartlegge erfaringane til studentar og unge arbeidstakarar som har hatt sommarjobb, internship eller sommarvikariat i Noreg. Samtidig skal spørjeundersøkingane kartlegge verksemda sine erfaringar, behov og
haldningar knytta til sommartilsettingar.

Undersøkingane skal bidra til å:

• Forstå kvar studentar finn sommarjobb, internship eller vikariatstillingar
• Undersøke fagleg utbytte og trivsel
• Avdekke utfordringar og forbetringspotensial
• Forstå korleis bedrifter rekrutterer sommartilsette
• Få innsikt i kva verdi bedriftene opplever å få av sommartilsette
  
  Varigheit - 8 minutt. Svarfrist: 11. august.

Takk for ditt bidrag.